Bis a bis

Xuan Santori

84-8053-319-6

  • Edición: Primera
  • Páxines: 72
  • Fecha d'actualización: 29/12/2009
  • Formatu: 14 x 21 cm
  • Idioma: en llingua asturiana
  •  

    10,00 € Impuestos incluíos

    Ediciones Trabe

    Xuan Santori confirma con esti llibru la condición de poeta personal y innovador.

    Más detalles

Na llinia del poemariu col qu’algamó’l Premiu «Teodoro Cuesta» de poesía na convocatoria del añu 1999, Les inconveniencies de la especie (publicáu nesta mesma editorial), Xuan Santori afonda nun procesu de reescritura poética nel que nada se refuga y onde conviven lo coloquial espresao con un curiáu prosaísmu y les más variaes referencies lliteraries o la reflesión sobre’l propiu procesu creativu, nel que’l versu se torna cada vuelta más escarnadamente irónicu, menos abruptu y más personal. Bis a bis ye esencialmente un llibru d’amor, un poemariu del alcuentru y de l’ausencia, nel que nun hai sitiu pal escaezu y sí pa la certeza de la muerte y de l’acabación de la vida, de la que namái que nos salva la ironía, a vegaes cruel o enllena de tristura.

Xuan Santori Vázquez-Azpiri (Uviéu, 1968) ye llicenciáu en Filoloxía Inglesa. Tamién tien publicada una traducción de Poesía épica anglosaxona (1999), otra traducción de John Berger Una vez n’Europa (2000) y Mercar pa vivir: ¿qué ye que ye’l consumismu (2003).

Productos asemeyaos

Product successfully added to the product comparison!