Les inconveniencies de la especie
Xuan Santori
84-8053-
- Edición: Primera
- Páxines: 82
- Fecha d'actualización: 17/12/2009
- Formatu: 14 x 21 cm
- Idioma: en llingua asturiana
8,00 € Impuestos incluíos
Impuestos incluíos
Premiu «TEODORO CUESTA 1999».
Xuan Santori revelóse en 1998 como un poeta maduru y bien interesante cuando publicó’l so primer llibru, Zunes, nel qu’amuesaba un oficiu novedosu ente nós, conxugando les referencies intrínsecamente asturianes con tradiciones poétiques bien deprendíes, onde podía reconocese, xunto a otres, la voz irónica y escarniada de dalgunos poetes alemanes de la segunda mitá del sieglu xx. Yera evidente la voluntá de ruptura cola poesía figurativa qu’enllenó’l panorama poéticu asturianu dende mediaos de los años ochenta hasta agora.
_x000D_
Con esti nuevu llibru, Les inconveniencies de la especie, qu’algamó en 1999 el prestixosu premiu «Teodoro Cuesta» de poesía, afonda na mesma llinia, nuna obra desbordante, qu’avanza y s’esparde como un torrente, que suena como un gritu contra la contención y la mesura. Nada ye ayeno al poeta, qu’entruga de contino pola naturaleza incompleta d’«esta urdidura de güesos y carne/ a la que llegamos», polo que somos, en poemes onde’l versu desurde curtiu y con pasión, y de xemes en cuando abruptu o trespasáu d’ironía salvadora.
_x000D_
Xuan Santori nació n’Uviéu en 1968. Ye llicenciáu en Filoloxía Inglesa. Amás de Zunes, yá citáu, que ye de 1998, ta acabante publicar una magnífica traducción, Poesía épica anglosaxona (Uviéu, 1999), editáu pola Academia de la Llingua Asturiana.
Productos asemeyaos
