Cincuenta poemes ingleses del sieglu XX

José Luis Piquero

84-8053-146-0

  • Edición: Primera
  • Páxines: 144
  • Fecha de publicación: 20/12/2000
  • Fecha d'actualización: 17/12/2009
  • Formatu: 14 x 21 cm
  • Idioma: en llingua inglesa y asturiana
  •  

    10,00 € Impuestos incluíos

    Ediciones Trabe

    Antoloxía representativa de la poesía inglesa contemporánea, traducíos por ún de los poetes más personales de la poesía española.

    Más detalles

«Esta ye una antoloxía de poemes, más que de poetes; de dalgunos de los poemes que más me presten –diz José Luis Piquero na Presentación qu'abre esta obra billingüe– dientro del inmensu corpus de la poesía inglesa del sieglu xx. Pienso, sicasí, que nella ta representada una nómina de poetes que s'arrima bastante a la que los antólogos que me precedieron consagraron como canónica.» Ordenaos cronolóxicamente por autores, abre esta amuesa la poesía de Thomas Hardy, el poeta qu'inaugura la sensibilidá contemporania dientro de la poesía inglesa, y piésllala D. M. Thomas. Pentemedies tán los versos imprescindibles de Housman, Yeats, Kipling, Eliot, Graves, Auden, Spender, Dylan Thomas o Larkin, por citar dalgunos de los más conocíos, hasta completar los ventitrés poetes antologaos. A pesar de la so brevedá, esta antoloxia pue considerase representativa de la poesía inglesa del sieglu xx, pero nun foi esa la intención última del antólogu: José Luis Piquero quixo ufiertar n'asturianu cincuenta poemes que, nun momentu de la so esperiencia llectora, tuvieron una especial significación pa elli. Por eso esta obra tamién sirve pa conocer meyor al traductor, ún de los poetes más personales ya interesantes del panorama poéticu español, que llogró facer coles sos versiones verdaderos poemes asturianos. José Luis Piquero nació en Mieres en 1967. Tien publicaos los siguientes llibros de poesía, toos en castellán: Las ruinas (1989), El buen discípulo (1992) y Monstruos perfectos (1997). Ye redactor del selmanariu Les Noticies.

Productos asemeyaos

Product successfully added to the product comparison!