Estraños
Adolfo Camilo Díaz
978-84-19358-98-1
- Edición: Primera
- Páxines: 256
- Fecha de publicación: 28/08/2024
- Formatu: 13 x 20 cm
- Idioma: Asturianu
18,00 €
Estraños ye un xuegu perversu: dos vieyos amigos alcuéntrense nun tren depués de munchu tiempu de nun se ver… Tres de ponese al día, tomen un determín que los lliberará pa siempres de les sos respetives parexes.
«Estraños ye un xuegu perversu: dos vieyos amigos alcuéntrense nun tren depués de munchu tiempu de nun se ver… Tres de ponese al día, tomen un determín que los lliberará pa siempres de les sos respetives parexes. La manipulación, la mentira, el sexu y, posiblemente, la muerte empobinarán unos alloquecíos pasos onde too ye… lo que nun paez. Estraños, de Dolfo Camilo Díaz, ye un nuevu tour de force narrativu del más dotáu de los escritores asturianos. Un thriller de precisa reloxería, que se llee de tirón, tala ye la so velocidá espositiva y atractivu argumental… L’homenaxe a los Estraños nun tren de Patricia Higstmith ta na base y ye esplícitu, pero l’autor incorpora a la mítica propuesta toa una riestra de xiros y perspectives sorprendentes y rellumantes, marcaes por un indiscutible xeitu y orixinalidá», José Viale Moutinho.
Dolfo Camilo Díaz (Caborana, 1963) ye historiador, xerente de cultura del Conceyu Corvera, académicu de la Llingua, conseyeru de la RTPA, compositor… y escritor. Nel 1981 crea’l Coletivu Teatral Güestia, que derivará nel 1983 nel grupu de rock Güextia, col que naz el rock n’asturianu (con obres seminales como Inaux) y col que llogra nel 1987 el Premio Nacional a Los Mejores Textos (Ministerio de Cultura). Nel 1985 gana’I primer «Xosefa Xovellanos» de Novela, de los cuatro que tien, con Añada pa un güeyu muertu, pa la crítica especializada aniciu de la nueva narrativa asturiana. Nel 1986 funda la revista Iliteraria Al bellume y crea la primer colección dedicada a la serie negra n’asturianu na Editorial Azucel. Nel 1989 pon en marcha la colección Mázcara de teatru na Academia de la Llingua. Dolfo Camilo Díaz tien publicaes 38 obres, n’asturianu mayormente pero tamién en castellanu (Ensayos como El cine fantaterrorífico español o El teatru popular n’asturianu; noveles como Diariu de viaxe, Imago, Advenimientu…; cuentiarios como Venus-occidente y otros cuentos éticos; articularios como In articulo mortis o obres de teatru como País o Psicokiller; traduciones como L’eternu Adán de Jules Verne...).
Productos asemeyaos
