Na sienda'l destín

Nel Morán

978-84-18286-22-3

  • Edición: Primera
  • Páginas: 180
  • Fecha de publicación: 16/10/2020
  • Tamaño: 13 x 20 cm
  • Idioma: Asturianu
  •  

    14,00 € impuestos inc.

    DD –Dani Díaz–, un probe rapaz d’araxales de ciudá y de vida, entra a trabayar como porteru nel edificiu onde ta asitiada una emisora de radio. Ellí va atopase con xente del pasáu, xente d’una clase social bien distinto a lo d’él y va entamar una llucha nada soterraña.

    Más detalles

DD –Dani Díaz–, un probe rapaz d’araxales de ciudá y de vida, entra a trabayar como porteru nel edificiu onde ta asitiada una emisora de radio. Ellí va atopase con xente del pasáu, xente d’una clase social bien distinto a lo d’él y va entamar una llucha nada soterraña. Ente parabólica y esperpéntica, la novela cúntanos les lluches qu’entá –y pesie al tan cacaraquiáu final de la historia, entendida como la llucha ente ideoloxíes, de Francis Fukuyama– se dan nes democracies lliberales occidentales: l’odiu ente distintos (social y económicamente falando) qu’apodera les rellaciones d’antiguos compañeros d’Universidá. Llena de macarres robamotos y socios de clubs d’altos vuelos, la novela acaba con una traca final que nun somos a albidrar de la que vamos lleendo.

Nel Morán (Trubia, Uviéu, 1959), diplomáu en Maxisteriu, ye autor, xunta Maite G. Iglesias, del llibru de testu Les coses d’Iyán (1992) y de los cuentos de la serie Ñubina, que fueron saliendo ente los años 2003 y 2004. Nel añu 2014 ganó'l premiu de l'Academia de la Llingua Asturiana de Llectures pa Rapazos cola novela Tyan (2018), cola qu’inaugura la xera narrativa, que va siguir nel 2019 con Fabia y qu’anguaño continúa con esta obra qu’equí presentamos, Na sienda’l destín. Como traductor, collaboró cola editorial vtp na edición de les obres El suañu d'una nueche de San Xuan y otros cuentos de Shakespeare, de Charles y Mary Lamb (1998).

Productos relacionados

Product successfully added to the product comparison!