FORMALIZACIÓN DE PIDÍOS

Tolos pidíos aceptaos por Ediciones Trabe sonlo acordies coles siguientes condiciones de compra, que van formar parte del contratu de compra-venta. L’aceptación de los llibros lleva arreyada l’aceptación d’estes condiciones de compra.

Nun hai pidíu mínimu. P’adquirir los llibros ufiertaos na web, Ediciones Trabe va pidir a los usuarios que se rexistren, pa lo qu’han siguir les instrucciones qu’apaecen na pantalla

  • Cumplimentación completa del formulariu electrónicu que vaya apaeciendo na web, siguiendo les instrucciones indicaes nel mesmu.

  • Introducción d’un nome d’usuariu y contraseña; estos van ser personales y nun tresferibles.

  • Dar el preste o non, pa l’unviu del boletín electrónicu. Si lu das, va mandásete publicidá, ufiertes y novedaes de los llibros de la nuestra web de manera mensual.

PLAZOS D'ENTREGA

Ediciones Trabe garantiza la entrega al tresportista nun tiempo máximu de tres díes llaborables dende que se recibe’l pidíu, siempre y cuando heba exemplares. Esti plazu pue allargase hasta 15 díes.

Si nun fora posible facer la entrega, avisaríamoste per teléfonu o co-e, dándote la posibilidá d’anular el pidíu ensin cargu dengún pa ti.

L’unviu va facese siempre al traviés de la empresa Halcurier y vas recibilu nun plazu de 48 hores na península, contando dende que s’aperie’l paquete. Pa unviar a Baleares el plazu va ser de 72 hores, pa Canaries d’hasta 5 díes y pa Europa d´hasta 30 díes llaborables.

PRECIOS

Tolos precios que s’amuesen nos llibros inclúin l’IVA, col tipu impositivu del 4 % pal territoriu de la Unión Europea.

Ediciones Trave resérvase’l derechu a cambiar el preciu de los llibros ensin avisu antemanáu, conforme a les condiciones del mercáu.

FORMES DE PAGU

L’usuariu que merque un llibru pela web habrá de facer el pagu d’una de les siguientes maneres:

Paypal y tarxeta de créditu

Ye una manera rápida y segura de pagar n’internet. Nun tienes que meter los datos de la cuenta bancaria; vas poder pagar namás que col co-e y la contraseña.

Tresferencia bancaria

Si escueyes esta forma de pagu, vamos date’l númberu de la cuenta bancaria d’Ediciones Trabe pa que puedas facer l’ingresu. En 5 díes vamos comprobar si fixisti l’abonu, y nun unviaremos el pidíu hasta tenelu cobrao.

GASTOS D'UNVIU

Vamos mandar de baldre los pidíos de 50 o más €. Pa unvios de menos cantidá, los costos d’unviu van ser de 8 €. Pa Baleares, Canaries y el restu d’Europa hai que sumar al costu de la compra 15 € pa hasta 3 kg de pesu. Pa paquetes de más pesu, aplicaráse un incrementu de 9 € por cada kg de más.

GARANTÍA DE LOS LLIBROS

Toos y caún de los nuestros llibros tienen una garantía de 24 meses. Esta garantía dase y establezse polo dispuesto na Llei 23/203 de 10 de xunetu, de garantíes na venta de bienes de consumu. Esti marcu llegal quier facilitar al consumidor distintes opciones pa desixir el saniamientu, cuando’l llibru recibíu nun concasa col pidíu.

POLÍTICA D'UNVIOS

Ediciones Trabe comprométese a entregar el llibru en perfectu estáu, na dirección que l’usuariu apurra nel formulariu de pidíu. De toes toes, esta ha tar na Península Ibérica, Canaries, baliares o Europa. Nun vamos responsabilizanos si los datos del usuariu nun son correctos.

Una y bones formalizáu’l pidíu vamos unviate un corréu electrónicu, nel que vas poder comprobar que mesmo los datos que los llibros son correctos.

N’apariáu’l paquete, va recoyelu Halcourier. Desque esta empresa de tresporte faise con él, si vives na península vas recibilu en 48 hores. Si nun tas nel domiciliu, van ponese en contactu contigo pa concertar una hora d’entrega.

Pasaos 15 díes de tentar d’entregalu y si nun hai reclamación del paquete, va ser devueltu pa Ediciones Trabe, que va reembolsate l’importe, descontando los gastos d’unviu, retornu y xestión que se producieran.

POLÍTICA DE CAMBIOS Y DEVOLUCIONES

Si l’usuariu nun queda satisfechu col pidíu, recibió otru llibru por error o esti tien daqué desperfectu, pue devolvelu nos 15 díes siguientes a la so recepción.

La devolución del importe va facese al traviés d’abonu na cuenta’l cliente. Les normes de les que se manden les devoluciones (regulaes pola Llei 15/1/96), reclamaciones, garantíes y emisión de factures son les que vienen darréu:

  • Nun s’admiten devoluciones que nun lleguen nel empaquetamientu orixinal y col llibru en perfectu estáu (nun siendo qu’esa sía la causa de la devolución, claro).
  • Los portes xeneraos pola devolución van cargase a quien compra, a nun ser que l’error fora d’Ediciones Trabe.
  • El costu de la devolución va ser de 10 € pa la península y 20 más pa les Islles Canaries, Baliares y Europa pa un pesu máximu de 3 kg. Si’l pesu ye más de 3 kg van cobrase 11 € por cada kilo adicional.

COMO MERCAR NA WEB

Una y bones entres na nuestra web, vas poder navegar peles distintes categorías qu’apaecen nel menú llateral izquierdu. Si busques un llibru concretu y sabes el títulu o quién ye l’autor o autora, puedes usar el buscador que vas atopar na parte superior central de la pantalla.

En seleccionando’l llibru que quieres mercar, has da-y al botón meter al carrín. Depués va salir un pantalla que va date date la opción de siguir cola compra o de dir pa la caxa.

Si escueyes la primer opción vas poder siguir navegando pela web y meter más llibros nel carrín. En teniendo en carrín tolos llibros da-y al botón de dir pa la caxa.

Na caxa vas poder comprobar los llibros que vas mercar y, si peta, quitar los que nun quieras.

Depués has dir al aria de clientes, col to usuariu y contraseña si yá te disti d’alta o creando un usuariu nuevu (aconseyámoste que lu crees primero de meter llibros al carrín porque a la de dar esti pasu, pue quedar vaciu).

Si quies date d’alta tienes que rellenar el formulariu siguiendo les instrucciones que te marque la pantalla. Una y bones tea verificada la to identidá, has escoyer la forma de pagu, introduciendo los datos correspondientes y d’esa manera termines el pidíu.

Vas recibir un corréu electrónicu de confirmación de la compra con tolos datos del to pidíu.

Y yá ta, yá merquesti. Si tienes dalguna dulda o consulta pues facénosla llegar al traviés del co-e tienda@trabe.org o de les redes sociales que tán a disposición de la vecería.


Product successfully added to the product comparison!