Cancioneru. Lírica d'ayeri y de güei

Vicente J. Sánchez García

978-84-8053-454-3

  • Edición: Primera
  • Páxines: 112
  • Fecha d'actualización: 12/08/2010
  • Formatu: 21 x 29,7 cm
  • Idioma: en llingua asturiana y castellana
  •  

    10,00 € Impuestos incluíos

    Ediciones Trabe

    Nesti Cancioneru. Lírica d’ayeri y de güei encotramos 30 nueves canciones d´autor feches sobre les lletres de poemes d´escritores asturianos.

    Más detalles

El Cancioneru. Lírica d’ayeri y de güei naz col enfotu d’arriquecer el patrimoniu musical asturianu, al traviés de la creación de nueves canciones d’autor sobre les lletres de 30 poemes d’escritores asturianos. D’estos, dalgunos son clásicos –como Pin de Pría o’l Padre Galo–, otros contemporáneos –como Felipe Prieto, Pablo Ardisana, Antón García o Lourdes Álvarez–, pero toos tienen en común l’alta calidá lliteraria de les sos obres.

El fechu d’escoyer poetes qu’escriben n’asturianu busca facilitar l’averamientu a la tradición asturiana, porque como bien diz l’autor, «pesie a qu’esti cancioneru s’encuadra claramente na canción asturiana d’autor, cuenta col sustratu popular qu’aporten les lletres n’asturianu y la voluntá del compositor de crear sones lo más próximos posible a la canción asturiana tra-di-cional».

Esti Cancioneru sigue’l camín de les grandes obres de compositores asturianos como González del Valle, Víctor Sáenz o Eduardo Martínez Torner. Con ellos comparte, amás, la filosofía de trabayu y el espíritu de serviciu a la cultura asturiana.

Vicente Jesús Sánchez García, anguaño director del Orfeón de Mieres y de la Escuela d’Asturianía del Conseyu de Comunidaes Asturianes, entamó los estudios musicales en Bujedo (Burgos). Maestru d’Educación musical y director de coru, realizó estudios d’Harmonía n’Uviéu col compositor Leoncio Diéguez Marcos y de Dirección coral, Técnica de voz y Repertoriu en Cataluña, con maestros de la grandeza de Helmut Lips, Teresa y Manuel Cabero, Erwin List o Viki Lumbroso y Pep Prats.

Demientres 13 años coordinó dende les conseyeríes de Cultura y d’Educación y Ciencia les enseñances artístiques oficiales de música, arte y teatru, siendo responsable de la implantación n’Asturies de les escueles de música y de la incorporación a los sos planes d’estudiu de la música tradicional asturiana n’iguales condiciones que les enseñances musicales clásiques. Como compositor ye autor de delles obres corales y d’instrumentaciones didáctiques pa escolinos.

El llibru lleva un prólogu De Manuel Fernández De La Cera.

Productos asemeyaos

Product successfully added to the product comparison!