Camín de lletres

Paquita Suárez Coalla / Nanu González

978-84-8053-666-X

«A ye p’Asturies». D’esta manera, que nun ye otro qu’una declaración d’intenciones, entama Paquita Suárez Coalla’l llibru Camín de lletres: d’Asturies a Nueva York, una moderna crónica, ordenada alfabéticamente, de la nueva emigración asturiana: cosmopolita y moderna.

Cada lletra del alfabetu asturianu ye una estampa distinta na qu’una nena, fía d’asturiana, va contando la so vida en dos espacios distintos: l’Asturies de les vacaciones del veranu y la Nueva York del restu l’añu.

Escrita nun asturianu natural y pulío, esta pequeña obra d’arte ye adaptable a la reciella d’estremaes edaes.

Paquita Suárez Coalla (Grullos, Candamu, 1965), asturiana afincada en Nueva York dende cuantayá, onde da clases d’español na Universidá, publicó en 2001 La mio vida ye una novela. Testimonios de las mujeres del campo de Asturias y dos años más tarde la so primer obra de creación, el llibru de rellatos Pa nun escaeceme, al que siguió El día que nos llevaron al cine y otros cuentos, entrambos los dos traducíos al castellanu y al inglés. Ye también coordinadora de l’antoloxía d’escritores latinos residentes en Nueva York Aquí me tocó escribir.

Productos asemeyaos

Product successfully added to the product comparison!