Y qué quies, si tengo oreyes

Milio'l del Nido

84 -8053-357-9

  • Edición: Primera
  • Páxines: 128
  • Fecha d'actualización: 29/12/2009
  • Formatu: 14 x 21 cm
  • Idioma: en llingua asturiana
  •  

    10,00 €

    Ediciones Trabe

    20 son los cuentos que Milio recueye nesti volume, caún d´ellos acompañáu d´un refrán, una copla popular y una cosadiella.

    Más detalles

Cola mesma maestría y axilidá que Milio emplegó nel primer llibru de so, Contáronmelo pa que lo contara, ta escritu esti, Y qué quies, si tengo oreyes. La vocación de contador de cuentos del autor, enraigonáu na tradición oral, llévalu a xuntar relatos de dixebraes cultures y tradiciones, siempre adaptaos a un tiempu y a un llugar: l’Asturies de güei o la del pasáu.

20 son los cuentos que Milio recueye nesti volume, caún d’ellos acompañáu d’un refrán, una copla popular y una cosadiella, tres elementos fundamentales na cultura popular asturiana, qu’abren y piesllen con aciertu caúna de les narraciones.

Milio Rodríguez (el del Nido) nació n’Uviéu en 1944. Amante del folclore y de les tradiciones, formó en 1974 el Grupu Los Urogallos que, años depués, va fusionase col Colectivu Riscar y surdir d’ello l’Andecha Folklor d’Uviéu.

Como contador de cuentos, Milio’l del Nido tien percorrío tola Península Ibérica cuando solu, cuando en compañía de Manolo de la Cabén, xunto al que grabó una cinta con dalgunes d’eses histories coles que faen la vida más ellegre y risondiega a quien los siente contar.

Productos asemeyaos

Product successfully added to the product comparison!