Someyaduras
Jesús Morán García
84-8053-447-8
- Edición: Primera
- Páxines: 136
- Fecha d'actualización: 29/12/2009
- Formatu: 14 x 21 cm
- Idioma: en llingua asturiana
10,00 € Impuestos incluíos
Impuestos incluíos
Someyaduras ye´l llibru póstumu d´un poeta calláu, gran conocedor del asturianu y de la realidá que lu arrodiaba y que nun quixo quedar al marxe d´ella y sobre ella faló na so poesía.
Jesús Morán García (1884-1960), médicu pravianu especialista en dermatología y venereología, humanista y persona inquieta, foi poeta sensible y calláu. Home bueno, conocedor de la condición humana, el so compromisu cola República llevólu, en terminando la Guerra Civil n’Asturies, a distintes cárceles del país –conmutaos les cuatro penes de muerte por años de prisión que cumplió n’Uviéu y Burgos–. D’esta época son, de xuru, dellos de los poemes equí publicaos, como “Un home de ciencia”, “Pesadielles d’un presu”... Otros son anteriores nel tiempu, asina la carta dirixida al amigu Camín, datada namái que 10 díes enantes de producise’l golpe d’estáu del 18 de xunetu de 1936 y tráxicamente clarividente.
Asturianu irónicu y coñón, tien delles composiciones trescalaes d’humor a l’asturiana (“La canción de Sinforosa”) y d’amor a la tierra (“Oda fluvial”, “El valle de Candamo”, “Las cuevas de San Román”). Pero el médicu y humanista Jesús Morán nun vive ayenu a les turbulencies del tiempu que-y tocó vivir: la so pluma irónica tórnase crítica en tratando de la Ilesia y amarga de la que nos cuenta la vida de la xata Galana, tresuntu simbólicu de la II República.
Someyaduras ye, a la fin, el llibru póstumu d’un poeta calláu, gran conocedor del asturianu y de la realidá que lu arrodiaba y que nun quixo quedar al marxe d’ella y sobre ella faló na so poesía.
Productos asemeyaos
