Cien histories y cuentos de Villaviciosa y Cabranes
Lluis Portal Hevia
979-13-88149-21-4
- Edición: Primera
- Páxines: 140
- Fecha de publicación: 10/05/2026
- Formatu: 14 x 21 cm
- Idioma: Asturianu
15,00 €
Nel llibru Cien histories y cuentos de Villaviciosa y Cabranes resúmese’l trabayu de cuarenta años engazando cuentos de tresmisión oral, que guardaben persones básicamente mayores. El 95 % d’eses persones yá fallecieron, queda namás el so recuerdu y, sicasí, los cuentos qu’aínda contaben.
Nel llibru Cien histories y cuentos de Villaviciosa y Cabranes resúmese’l trabayu de cuarenta años engazando cuentos de tresmisión oral, que guardaben persones básicamente mayores. El 95 % d’eses persones yá fallecieron, queda namás el so recuerdu y, sicasí, los cuentos qu’aínda contaben.
Persones diverses que s’afayaben nel pasamentu y nun querín que s’escaeciere aquel encantu escondíu na memoria borrinosa de los años; o les nueches inacabables de lluces estrañes nos montes arbolaos; muyeres centenaries que recordaben con una lluminosidá imborrable: «Esto díxomelo mio padre»; paisanos que se criaron al pie de los muriécanos insondables d’un castru celta; la güela que vivía cabu’l llar de la vida.
Ehí queda’l recuerdu del paisano sordu y qu’un día recobró l’audición; el criáu que nun quixo que desapaeciere la so xera semblando la tierra del amu; o la muyer que yá nunca saldrá retratada xunta los xeranios de so casa, pero que sabía dibuxar como naide los topónimos floríos de la redolada.
Lluis Portal Hevia (Villaviciosa, 1964) ye escritor y periodista. Ganó varios premios: l’«Uviéu» de Teatro del Ayuntamientu carbayón (2007 y 2008), de Llectures pa Rapazos de l’Academia de la Llingua (2009), de Rellatos Curtios «Xosé Álvarez» (2008) y l’accésit «Xosé León Delestal» (2009), de Lliteratura Infantil y Xuvenil d’Asturnews (2009) y el Premiu d’Ensayu «Máximo Fuertes Acevedo» (2011). Amás tien publicaes varies obres biográfiques sobre Francisco Balbín (1995), Carlos Ciaño (2018), Teresa Villaverde, Tuxa (2020) y una novela sobre Melquíades Álvarez (2023). A los que hai qu’añedir un llibru d’etnografía, otru de cuentos y varies collaboraciones en llibros colectivos.
Productos asemeyaos
