Telón de Fondo
978-84-8053-899-2
18,00 €
Esti llibru-homenaxe, mui muncho visual, arrecuéi lo que la crítica teatral foi escribiendo en dellos diarios o selmanarios sobre les representaciones del grupu Telón de Fondo y qu’esti foi guardando na maleta del recuerdu en formatu recorte de periódicu.
¡Últimes unidaes!
Fecha de disponibilidá
Nel 1973, yá nel tardofranquismu, naz el grupu de teatro Telón de Fondo al calicor de la daquella empresa nacional siderúrxica Ensidesa, na so factoría de Xixón. D’entós p’acá munchos son los años andaos y muncho’l camín fechu por esti grupu teatral que foi a adaptase a los tiempos y les circunstancies. L’asturianu llegó a él bien pronto como daqué natural, xusto y necesario y supo ser referente y creador d’artistes y directores que tomaron y remanaron como propia la llingua que sí que lo yera, pero que tuviera esqueicida y tapecida nes cortes y nos praos y que namás salía d’ellí (o la sacaben) pa facer risión d’ella y de la xente que la falaba. Esti llibru-homenaxe, mui muncho visual, arrecuéi lo que la crítica teatral foi escribiendo en dellos diarios o selmanarios sobre les representaciones del grupu y qu’esti foi guardando na maleta del recuerdu en formatu recorte de periódicu. D’ehí’l títulu, polo demás, ambivalente: recorte de periódicu, sí, pero también recorte nel presupuestu cultural nun país yá poco dau a lo cultural. ¡Abríi la maleta, lleéi y esfrutái!
Esti sitiu usa cookies pa qu’esfrutes de la meyor esperiencia d’usu. Si sigues navegando, atalantamos qu’aceptes les mentaes cookies y la nuestra política al rodiu d’elles. Da-y al enllaz | close |