José María García
84-8053-166-5
9,00 €
Recopilación de poemes n’asturianu y castellán d’un poeta popular y famosu nes cartafueyes editaes nes fiestes de la zona central d’Asturies.
Este producto ya no está disponible
Advertencia: ¡Últimos artículos en inventario!
Disponible el:
José María García (Pepito'l de Llorianes) naz en Llorianes (Valdesoto) el 18 d'agostu de 1918. A los tres años, güérfanu de padre, va vivir con unos parientes, hasta qu'ingresa nun colexu n'Uviéu. Como a tantos otros españoles de la so xeneración, la Guerra Civil márca-y la vida: llamáu a files a los 18 años, participa nos frentes d'Uviéu, Teruel y Guadalajara, y nella pierde un hermanu. Acabada la guerra, vuelve pa en casa y entama trabayar nos Ferrocarriles de Llangréu con trenes que llevaben el carbón hasta El Musel o Aboño. Gran animador cultural, funda na so parroquia dellos equipos de fútbol, participa nel Coru Parroquial y nel Cuadru Artísticu de Teatru, asina como en delles comisiones de fiestes. Casa en 1949 y va a vivir pa Molleo (Evia). Ellí tamién colabora na vida cultural y festiva. En 1956 treslládase a El Berrón, onde actúa dalgunes veces como monologuista, al empar que collabora nel porfoliu de les fiestes de Valdesoto. Por motivos llaborales, en 1964 treslládase cola familia pa la Pola Llaviana, onde los nuevos paisaxes y vecinos serán inspiración pa nuevos poemes. Retiráu a los 72 años, la inquietú cultural, l'interés poles costumes y la etnografía de la tierra llévenlu a recopilar datos sobre la llingua y otros aspectos culturales d'aquellos conceyos colos que, por una o otra razón, tuvo contactu: Allande, Casu, Llaviana, Sobrescobiu, Siero... A los 82 años caltién el vezu d'escursionista pelos guapos paraxes de la tierra, que depués reflexa en poemes, así como'l gustu pola llectura, la tertulia colos amigos y l’artesanía.
Este sítio usa cookies para que disfrutes de la mejor experiencia de uso. Si sigues navegando, entendemos que las aceptas y acptas nuestra política de cookies . Más información | aceptar |