El nacimientu d’Ouetum
Xulio Viejo Fernández
978-84-10345-28-7
- Edición: Primera
- Páxines: 128
- Fecha de publicación: 03/12/2024
- Formatu: 15,5 x 21,5 cm
- Idioma: Asturianu
10,00 €
Esti llibru propónse contribuir dende la llingüística al discutiniu sobre los oríxenes históricos de la capital asturiana a partir del nome d’ella. Nesa xera, l’análisis propiamente etimolóxicu d’esti entámase atendiendo col contestu xeográficu y toponímicu non solo de la ciudá o conceyu d’Uviéu sinón del conxuntu de l’Asturies central y, más específicamente, del valle mediu del Nalón.
Esti llibru propónse contribuir dende la llingüística al discutiniu sobre los oríxenes históricos de la capital asturiana a partir del nome d’ella. Nesa xera, l’análisis propiamente etimolóxicu d’esti entámase atendiendo col contestu xeográficu y toponímicu non solo de la ciudá o conceyu d’Uviéu sinón del conxuntu de l’Asturies central y, más específicamente, del valle mediu del Nalón. Con ello, mírase de reconstruir el sistema toponímicu local orixinal nel que la denominación Ouetum/Ouetao algamara’l so propiu sen como denominación d’un espaciu con personalidá propia dientro del marcu territorial que va articulándose nel corazón d’Asturies ente la dómina romana y l’altomedieval. La investigación acútase en tou casu a los métodos propios del análisis filolóxicu a partir de los datos qu’apurren les fontes orales y documentales, considerando distintes claves semántiques, referenciales o d’evolución fonética a cuenta d’una serie de términos (d’aniciu prerromanu o románicu) que cuayen nel usu toponímicu del períodu tardoantiguu.
Xulio Viejo Fernández (Uviéu, 1968) ye profesor titular de Filoloxía Española na Universidá d’Uviéu y miembru del grupu d’investigación Seminariu de Filoloxía Asturiana de la mesma institución. Doctor en Filoloxía Románica con una tesis sobre onomástica na documentación medieval (La onomástica asturiana bajomedieval. Nombres de persona y procedimientos denominativos en Asturias de los siglos XIII al XV, 1998) ye tamién autor d’otres publicaciones sobre diversos temes relativos a la historia llingüística y lliteraria asturiana como La formación histórica de la llingua asturiana (2003), Llingua y cultura lliteraria na Edá Media asturiano-lleonesa (2004) o, más de recién, Una introducción a la fonoloxía asturiana (2021) o La llingua n’Asturies al traviés de los sieglos (2022), ente otros llibros y artículos especializaos.
Productos asemeyaos
