Unes vacaciones bien rares

Esther Prieto / Nanu González

978-84-18286-83-4

  • Edición: Primera
  • Páxines: 32
  • Fecha de publicación: 01/02/2022
  • Formatu: 23 x 23 cm
  • Idioma: Asturianu
  •  

    15,00 €

    Ediciones Trabe

    Esti cuentu ye un cantu a la fauna selvaxe y al so derechu a vivir onde siempre vivió. Pero, amás, ye tamién un alegatu a favor de la convivencia ente los distintos, ensin moralina y con naturalidá, una fábula moderna que pue prestar a la rapazada.

    Más detalles

Unes vacaciones bien rares ye un álbum ilustráu que naz de dos realidaes distintes: el confinamientu producíu pol andanciu de la COVID 19 y les escurribandes que fai'l ser humanu contra los llobos, animales consideraos dañibles. Esti cuentu ye un cantu a la fauna selvaxe y al so derechu a vivir onde siempre vivió. Pero, amás, ye tamién un alegatu a favor de la convivencia ente los distintos, ensin moralina y con naturalidá, una fábula moderna que pue prestar a la rapazada.
Amás d'un testu poéticu y llimpiu tien unes espléndides ilustraciones de Nanu González.

Esther Prieto (Arenas de Cabrales, 1960) ye poeta y narradora, amás de codirectora d'Ediciones Trabe dende hai unos años. Tien publicaos los poemarios Edá de la memoria (1992), La mala suerte (2000) y Tres de la quema / Después de la quema (2016). Nel 2002 diose a conocer como novelista con Güelu Ismail, traducida yá hai unos años al gallegu como Avó Ismail. Años primero yá participara na antoloxía Nomes de muyer con relatos, repitiendo nel 2017 n'Hestories pa contales. Más nomes de muyer. Frutu de la so xera de correctora n'Ediciones Trabe, publicó nel 2005 Gramática d'asturianu. Guía de consulta rápida. Columnista dellos años nel selmanariu Les Noticies, nel 2015 fexo una selección d'esos testos y publicólos en Chicolate espesoPa la reciella tien publicaos cuantro títulos: El curiador d'estrelles (1987), Cómo soi (2010), Pasiando per Xixón (2014) y Pasiando per Uviéu (2015).

Nanu González estudió Ilustración en la Escuela de Arte d'Uviéu, graduándose más tarde n'Historia del Arte na Universidá d'Uviéu. N'Ediciones Trabe entama'l so trabayu d'ilustradora profesional coles publicaciones Cómo soi (2010), Cómo toi (2011), A pespunte (2011), Camín de lletres (2012) y De profesión, saltapraos (2017) de les escritores Esther Prieto, Montserrat Garnacho y Paquita Suárez Coalla, respectivamente y l'últimu de David Fernández y Laura Peláez. Amás, publica nel 2013 Circo alegría como ilustradora y autora cola editorial madrileña Jaguar, nel 2014 La tortuga Todovabién con David Acera. Becada en México D. F. ente payares del 2012 y febreru del 2013 col proyectu Cartas desde Francia pa esponer na V Muestra de Arte Iberoamericano.

Productos asemeyaos

Product successfully added to the product comparison!