La causa más probable
Xaviel Vilareyo
84-8053-457-5
- Edición: Primera
- Páxines: 120
- Fecha d'actualización: 29/12/2009
- Formatu: 13 x 21 cm
- Idioma: en llingua asturiana
10,00 € Impuestos incluíos
Impuestos incluíos
La causa más probable ye´l primer volume de narrativa que publica Vilareyo, yá conocíu como poeta.
Cinco son los relatos que Xaviel Vilareyo axunta en La causa más probable: cadún d’ellos apaez como una pequeña obra d’arte y fainos alcordar de la que lleemos que la vida del ser humanu ye, a la fin, el resume de los trabayos y los díes. Con precuru estilísticu y maneres de gran narrador, l’autor llévanos dende la intimidá d’unos personaxes perdíos, qu’arrecostinen cola vida como un castigu hasta’l Tribunal del Santu Oficiu pa amosanos, escondíes tres del llinguaxe xurídicu, la barbarie y la sinrazón humanes. De soledaes y desganes, d’ausencia y de dolor fala esti llibru, pero tamién de lo más bono que ye quien el ser humanu a algamar al traviés del esfuerzu, de los suaños, unos rotos –como’l de ver construyíu’l ferrocarril Ferrol-Xixón travesando tola rasa costera asturiana qu’afaló a dellos indianos a facer el viaxe dende la islla de Cuba al perdíu y aislláu conceyu d’A Veiga–, otros nunca realizaos, pero qu’a la fin formen la sencia misma de la vida.
Xaviel Vilareyo (Mieres del Camín, 1967), ye llicenciáu en derechu pola Universidá d’Uviéu y profesor d’institutu. Persona activa y atenta a toles manifestaciones de la cultura, da clases de llingua nel Centru Asturianu de Madrid y ye creador y director del Festival de Cine Asturianu. Narrador y poeta perteneciente a la tercer xeneración del Surdimientu, tien ganaos dellos premios de narrativa, como’l Valentín Andrés del añu 1997 col cuentu “Carta a la señora Monroe» y el Xeira de Narraciones al añu siguiente. Escritor n’asturianu y en gallego-asturianu, tien publicaos los siguientes poemarios: Cróniques del recuerdu (1997), Más que probable (1998), Os novos poemas (1999) y El camín d’inquietú (2002).
Productos asemeyaos
