Asuntos menores (o non)

Quique Faes

84-8053-458-3

  • Edición: Primera
  • Páxines: 160
  • Fecha d'actualización: 29/12/2009
  • Formatu: 13 x 21 cm
  • Idioma: en llingua asturiana
  •  

    11,00 €

    Ediciones Trabe

    Unidá y diversidá van xuntes nesti volume, como cares distintes que se complementen y completen.

    Más detalles

Asuntos menores (o non) ye un volume formáu por nueve cuentos, hermaniaos toos ellos pola sustancia que constitúi la cañamina del llibru: la vida de la xente corriente. Como diz el propiu autor, na alma de cadún nun hay otro que la vida de la xente, “tolos rellatos escascaren la hestoria –más o menos estrambótica, más o menos delirante– d’un ser atrapáu por un momentu fundamental”. Esi momentu pue ser cotidianu o estraordinariu, trescendente o carente de valir, pero, en tou casu, fai que la rueda de la vida ande y marque los distintos momentos de los diversos personaxes.

Unidá y diversidá van xuntes nesti volume, como cares distintes que se complementen y completen: Unidá temática, porque una ye la vida humana por más diversos que sean les ciudaes y países. Y diversidá porque eses vides –encarnaes en personaxes alcuando tocaos pol deu la llocura, delles veces a pique de valtar pol pesu la realidá– danse y desenróllense en destremaes ciudaes –Xixón, Zaragoza, Santiago de Compostela, Buenos Aires..., porque esta ye una narrativa urbana, por más que suañe colo rural–, qu’a la fin son cásique toes la mesma ciudá desamparada.

Quique Faes nació en Xixón en 1975. Periodista, narrador, lletrista del grupu de rock Dixebra, tien publicaes nesta mesma editorial tres noveles –Memoria (1998), Malena fecha de sol y de fresa (2000) y L’agobiante imperfección de les coses (2004)–. Amás ye autor, xunto a Francisco Álvarez, d’un informe sobre’l racismu y el fascismu n’Asturies y co-redactor del llibru Escueles rurales. Alcordanza viva d’Asturies (2007).

Productos asemeyaos

Product successfully added to the product comparison!