Pel Camín de La Mesa
Xosé Lluís García Arias
978-84-18286-61-2
- Edición: Primera
- Páxines: 64
- Fecha de publicación: 01/09/2021
- Formatu: 13 x 20 cm
- Idioma: Asturianu
10,00 € Impuestos incluíos
Impuestos incluíos
Esti testu, que vio la primera lluz nes páxines de La Voz de Asturias, ye una obra que lleva al autor al conceyu de Teberga p'alcontrase con dellos llugares conocíos.
Esti testu, que vio la primera lluz nes páxines de La Voz de Asturias, ye una obra que lleva al autor al conceyu de Teberga p'alcontrase con dellos llugares conocíos como La Colexata de La Plaza o la ilesia de Vil.lanueva, en Valdecarzana, pa dir, llueu, al Camín de La Mesa que dende Babia, al sur, adiéntrase per Asturies siguiendo una vieya calzada romana que, llegada a Los Biforcos, en Cueiru, empobina pel ramal izquierdu a Los Llodos (Grau) y pel derechu a Santu Adrianu y d'ehí a Caces y Priorio (Uviéu). El llargu camín andáu favorez que nestes páxines de prosa curiao surda una realidá qu'enllaza con una bayurosa tradición oral qu'algama una xuntanza valoratible y rica y fasta güei curtiamente tenida en cuenta na creación prosística n'asturianu. Los datos lliterarios vienen entretexíos cola collaboración perestimable de Samuel García Pérez, que xuntó al rellatu los sos dibuxos orixinales d'esa realidá entá viva como son los cabanones de teitu, los corros y toa esa ayalga etnográfica que ye orniu de les nueses brañes y de la nuesa hestoria.
Xosé Lluís García Arias (Teberga, 1945) foi'l primer presidente de l'Academia de la Llingua Asturiana y caderalgu de la Universidá d'Uviéu. A lo llargo los años centró'l so trabayu na investigación del idioma y, especialmente, nes sos aportaciones diacróniques y toponímiques. Lliterariamente collaboró al llogru d'un estándar acordies coles demandes del tiempu presente gracies a la redacción d'artículos y collaboraciones de destremáu calter y que van del ensayu a la crítica social. Ye responsable, xunto con Marta Suárez, de la torna de Le Petit Prince de Saint-Exupéry, qu'acaba d'algamar la so sesta edición ente nós. Amén de delles aportaciones aisllaes, ye responsable de dos llibros de creación: Patriótiques proses en versu (1992) y La Prieta Dama y dellos exercicios lliterarios más (2003).
Productos asemeyaos
