-10%

Cándidu o l'optimismu

Cándidu o l'optimismu

Voltaire. Versión asturiana: Javier Martínez Concheso

978-84-19358-07-3

  • Edición: Primera
  • Páxines: 136
  • Fecha de publicación: 10/07/2022
  • Formatu: 13 x 20 cm
  • Idioma: Asturianu
  •  

    13,95 €

    15,50 €

    Ediciones Trabe

    La encarnación del espíritu del mal úfrenos una obra prestosa y polémica al tiempu. Propóngovos, entós, lleer una novela sarcástica, insolente, atrevida, divertida. Con paráboles y fábules, usando siempre un llinguaxe cenciellu, claru y directu, el filósofu francés nun da tregua en defensa de la razón y a la contra de la idea de que vivimos nel meyor de los mundos posibles.

    Más detalles

Patrocinando a lo lloco la falsa llibertá de pensar, anímovos a lleer esta novela del escritor más mentáu y prohibíu nos edictos de la Inquisición, institución pa la que «cualquier obra d’él ye bien sospechosa» y que, refiriéndose en concreto a Cándidu o l’optimismu, sorraya que «llibera a los homes de la esperanza y del temor de los castigos y de los premios de la otra vida, arruinando de la mesma tolos principios de la relixón, de la sociedá y de la moralidá de les acciones humanes», al tiempu qu’indica que la obra de Voltaire ye «sangrina, enllena d’impostures, blasfemies, falsedaes, torpeces, calumnies y porcayaes, un llibru semáu d’obscenidaes monstruoses». Nun me negar que pinta bien lo escrito por quien presentíen el fríu la guillotina.
La encarnación del espíritu del mal úfrenos una obra prestosa y polémica al tiempu. Propóngovos, entós, lleer una novela sarcástica, insolente, atrevida, divertida. Con paráboles y fábules, usando siempre un llinguaxe cenciellu, claru y directu, el filósofu francés nun da tregua en defensa de la razón y a la contra de la idea de que vivimos nel meyor de los mundos posibles: el resultáu ye sublime. La pluma del autor escribe con sangre, el venenu más mortíferu compón la tinta y quien lleen les obres d’él acaben contaxándose. Comprobái si ye verdá, Voltaire siempre dexa la puerta abierta.

François Marie Arout Voltaire (París, 1694-1778) foi ún de los intelectuales más influyentes de la Ilustración, miembru de l'Academia francesa y collaborador de la Enciclopedia. Filósofu deísta y escritor, publicó noveles, cuentos, obres teatrales, trataos y poemes, destacando Cartes filosófiques, Micromegas, El siglo de Luis XIV, Diccionariu filosóficu, Zadig, L'inxenuu y Cándidu o l'optimismu, la obra más popular y divertida d'él. La defensa radical de la tolerancia relixosa y de la lliberta ideolóxica y la oposición al fanatismu y a cualquier dogma, amás del sentíu del humor y de la sátira, espliquen muncho bien les persecuciones y l'odiu que careció en vida y hasta depués de muertu, incluyendo cárcel, exiliu y prohibición, secuestru, censura y hasta quema de los sos llibros en público.
Javier Martínez Concheso (Sospelái, Llaviana, 1970) estudió Filoloxía francesa na Universidá d'Uviéu. Instaláu en Francia dende'l 1992, ye catedráticu de secundaria y enseña l'español y l'occitanu na ciudá gascona de Marmande. Autor d'una Pequeña antoloxía de la poesía occitana (Universos, 2011), publicó traducciones d'autores franceses y occitanos como René Char, Max Roqueta o Bernart Manciet nes revistes Estandoriu y Campo de los Patos.

Productos asemeyaos

Product successfully added to the product comparison!