Les mudances del tiempu
José Ángel Gayol
978-84-18286-90-2
- Edición: Primera
- Páxines: 256
- Fecha de publicación: 07/09/2022
- Formatu: 13 x 20 cm
- Idioma: Asturianu
15,00 € Impuestos incluíos
Impuestos incluíos
Les mudances del tiempu ye la segunda entrega de los escritos diarísticos de José Ángel Gayol, qu'entamó con En primera persona (2019): una triba de diariu lliterariu, que mira más pa fuera que pa dientro de quien escribe.
Les mudances del tiempu ye la segunda entrega de los escritos diarísticos de José Ángel Gayol, qu'entamó con En primera persona (2019): una triba de diariu lliterariu, que mira más pa fuera que pa dientro de quien escribe. Pero nesta ocasión, el diariu torna más personal y íntimu porque, empezáu nel 2019, llega l'añu 2020 y con él l'andanciu del COVID 19 y el confinamientu y eso fai que la mirada pose nel «yo», ensin escaecer la reflexón sobre lo que va ser del «nós» n'escamplando'l cielu. Afuxe l’autor de los diarios encabezaos por una fecha concreta: quier más les reflexones o apuntes ensin ancles a calendarios. Los pensamientos adquieren, d'esti xeitu, un aldu intemporal. Nesti diariu namás que se conseñen los años, pero non los meses nin los díes. Tampoco nun paez que sía daqué d’importancia. Les mudances del tiempu vien a ensanchar la curtia rama de la nuestra lliteratura que formen los diarios, con voluntá per parte l'autor de siguir sumando porque Gayol tien vocación de diarista, mesmo como llector que como escritor.
José Ángel Gayol (Mieres del Camín, 1977) ye antropólogu, escritor, críticu lliterariu y persona inquieta d'amplia formación humanística, que ve y retrata la vida como si fuera'l desenrollu d'un eternu ensayu que toma forma poética, de novela o diarística, como nesti casu. Tien ganao dellos de los premios más importantes de la lliteratura asturiana: Asturias Joven de Poesía (2005), de Textos Teatrales (2010), «Elvira Castañón» de Poesía (2011), «Fernán-Coronas» de Poesía (2011), «Xuan María Acebal» de Poesía (2012), «Máximo Fuertes Acevedo» d'Ensayu (2015, 2019) y «Xosefa Xovellanos» de Novela (2021), con La cafiante muerte de Nicolai Bostov (n'imprenta). Poeta con voz propia, d'amplia y reconocida trayectoria, como narrador diose a conocer cola novela Argonautes (2007), demorando hasta'l 2020 pa sacar otra, La xeometría secreta del azar. Nel 2021 publicó Los cuerpos celestes, un volume de diez cuentos nos que fai un retratu individual y colectivu d'una sociedá desnortiada y a la busca de nun sabe qué.
Productos asemeyaos
