-10%

Víes

Víes

Helena Trexu Fombella

978-84-19358-45-5

  • Edición: Primera
  • Páxines: 188
  • Fecha de publicación: 15/04/2023
  • Formatu: 13 x 20 cm
  • Idioma: Asturianu
  •  

    13,50 €

    15,00 €

    Ediciones Trabe

    Víes ye una novela non novela o, si quieren ustedes, una novela de tesis, de delles tesis: ecoloxismu, feminismu, solidaridá, antirracismu... Una obra coral na qu'un garapiellu personaxes distintos al rodiu de Nela, la moza guapa, alta y roxa que sabe ver les necesidaes propies y ayenes y sabe lluchar por elles, válen-y a la voz narradora d'escusa pa esponer les tesis de quien escribe.

    Más detalles

Víes ye una novela non novela o, si quieren ustedes, una novela de tesis, de delles tesis: ecoloxismu, feminismu, solidaridá, antirracismu... Una obra coral na qu'un garapiellu personaxes distintos al rodiu de Nela, la moza guapa, alta y roxa que sabe ver les necesidaes propies y ayenes y sabe lluchar por elles, válen-y a la voz narradora d'escusa pa esponer les tesis de quien escribe. D'ehí que Víes sía una non novela y sí una suma «d'esposiciones de» y «lluches por» causes perdíes. «Empatía, comprensión, trabayu, música, solidaridá, sinerxia, resiliencia, harmonía, esperanza, sumar más que restar, respetu, dinidá, superar les penes, gabita a persones que la precisen, respetu a los animales, a la natura, amor, muncha lliteratura, collaborar en causes dolioses, arte y bien de paciencia pa caleyar esti mundiu que va a pior día tres día. Como dixo mio ma: “Les mios obligaciones yá les cumplo, los mios derechos reclámolos”. Y tamién dixo Mijaíl Bakunin: “A cada persona según la so necesidá, de cada persona según la so capacidá”».

Helena Trexu Fombella (Sama, Llangréu, 1944) ye poeta y narradora, activista cultural amás de fundadora de l'Asociación Cultural Grupu Epona. Ganadora de dellos premios de poesía (L'Entregu, 1991; Vital Aza, 2001; Elvira Castañón, 2002) y de narrativa (II Concursu de Rellatos de Muyeres de La Pola Llaviana, 2001; Concursu de Microrellatos Mineros Juan Muñiz Zapico, 2013; Lliteratura Xuvenil Asturnews, 2007; Rellatos pa Rapazos de l'ALLA, 2008; Premiu de Traducción de l'ALLA, 1995), tien publicaos ente más otres obres los poemarios La patria la piel (1991), Abril (2002), Ringleres de carbón y salitre (2004) y los volúmenes de rellatos El secretu la lluvia (1993), Onde'l ríu besa la mar (2001), amás de les obres infantiles y xuveniles Camín davezu (2005), Llara quier ser astrónoma (2007), Olaya n'África (2010), Dos hestories d'animales (2005), Nora na viesca los milenta güeyos (2015) o Mitoloxía pa la reciella (2018). Nel 1995 publicó n'asturianu El caminante y la muria, del poeta catalán Salvador Espriu. Collaboró en delles revistes (Lletres Asturianes, Lliteratura, El Canciu'l Cuélebre...) y ye responsable d’Antoloxía de muyeres poetes asturianes (2004) y Poética de muyeres (2014), mesmo que del trabayu d'investigación sobre muyeres dedicaes a la música Piedra gris con rellumos doraos (2020).

Productos asemeyaos

Product successfully added to the product comparison!