Nós, los del Makulusu
José Luandino Vieira
978-84-19358-60-8
- Edición: Primera
- Páxines: 168
- Fecha de publicación: 05/07/2023
- Formatu: 13 x 20 cm
- Idioma: Asturianu
16,00 € Impuestos incluíos
Impuestos incluíos
Nós, los del Makulusu ye una novela escrita con una perspectiva utópica, onde l’autor denuncia’l colonialismu al tiempu que pon en valor la cultura angolana col usu d’un llinguaxe col que frayar el silenciu dictáu pola colonización. Luandino Vieira escribióla nuna selmana nun campu de concentración asitiáu en Cabu Verde que yera conocíu colos nomes de Pântano da morte y Campo da morte lenta.
Los cuatro del Makulusu dexaron atrás l’amistá d’ayeri, agora con vides y caminos que se crucen y que se separten nuna tierra onde la muerte ye una institución cotidiana, nacional y familiar. La memoria del narrador peñera los recuerdos y anda ente lo real y lo fantasioso pa mostrar la complexidá y la violencia de les rellaciones humanes n’Angola. Viaxái con ellos per eses calles escondíes al progresu... calles d’utopíes... calles personalizaes, coloniales, colonialistes, calles de sangre... Falái con ellos nesi portugués aquimbundao, amái como les muyeres qu’amen, porque vamos llegar al añu III de la guerra y en Luanda hai golor de muerte, de café y de roses, golor a bacaláu asao y a funje. Lléei estes páxines de llucha de clases y de choque ente dos mundos distintos pente cadabres, sin saber si la verdá tien que ser siempre dolorosa y sin dicir si negáis la política d’integración y d’otres coses acabaes n’-ón. Nós, los del Makulusu ye una novela escrita con una perspectiva utópica, onde l’autor denuncia’l colonialismu al tiempu que pon en valor la cultura angolana col usu d’un llinguaxe col que frayar el silenciu dictáu pola colonización, col que mostrar la so visión del mundu y col qu’alcanzar la llibertá. Luandino Vieira escribióla nuna selmana nun campu de concentración asitiáu en Cabu Verde que yera conocíu colos nomes de Pântano da morte y Campo da morte lenta.
José Luandino Vieira (Lagoa do Furadouro, 1935) ye ún de los principales escritores africanos d’espresión portuguesa y ún de los más creativos de la lliteratura angolana. Autor d’una ventena de llibros, onde destaquen títulos como Luuanda, Nós, los del Makulusu, El llibru de los ríos o Papeles de la prisión, escribió los más d’ellos na cárcel. Ganó distintos premios lliterarios, casu del «Grande Premio de Novelística da Sociedade Portuguesa de Escritores» o’l «Camões» (que refugó). Foi director del Instituto Angolano de Cinema y de la Televisão Popular de Angola, secretariu xeneral de la União dos Escritores Angolanos y de l’Associação dos Escritores Afroasiáticos. Ye un intelectual que representó (y representa) muncho pa la sociedá angolana en llucha pola so independencia, siendo ún de los escritores que más usó la lliteratura como instrumentu de llucha contra’l colonialismu portugués.
Iván Cuevas (Xixón, 1982), ye llicenciáu en Periodismu y en Filoloxía Románica pola Universidade de Santiago de Compostela. Autor d’obres como La ciudá nel branu y Cácabos d’adoquín, ye ún de los poetes antologaos en La prueba del once. Traduxo al asturianu obra d’autores como Daniel Salgado, Miquel Martí i Pol, Sonia Sanchez y Amiri Baraka.
Productos asemeyaos
