Potestas
Xulio Arbesú
978-84-19358-41-7
- Edición: Primera
- Páxines: 764
- Fecha de publicación: 15/08/2023
- Formatu: 13 x 20 cm
- Idioma: Asturianu
25,00 € Impuestos incluíos
Impuestos incluíos
XXIII Premiu «Xosefa Xovellanos» de Novela.
Gonzalo Pelaiz, la infanta Sancha, la reina Urraca, l’obispu Pelayo, Aldonza Pelaiz, Teresa la infanzona, Vela’l Santu, el rei Alfonso Raimúndiz, El conde Suero Vermúdiz, la reina Berenguela..., personaxes que salten del peregamín vieyu a la vida nuna historia que-y concierne a Asturies.
Gonzalo Pelaiz, la infanta Sancha, la reina Urraca, l’obispu Pelayo, Aldonza Pelaiz, Teresa la infanzona, Vela’l Santu, el rei Alfonso Raimúndiz, El conde Suero Vermúdiz, la reina Berenguela..., personaxes que salten del peregamín vieyu a la vida nuna historia que-y concierne a Asturies. ¿Lleal o rebelde? ¿Astutu o inxenuu? ¿Perdedor o ganador? ¿Bonu o malu? Gonzalo Pelaiz, el Potestas, el conde d’Uviéu, preséntase equí con humanidá complexa y plenamente medieval, descubriéndose, pasu ente pasu, hasta’l capítulu caberu. Aldeanos incendiarios, poderes inestables, obispos cobiciosos, condes arguyosos, amores ensin futuru, machismu non cuestionáu, pelegrinos sinceros, concilios trafullaos, ilesies romániques en construcción, castiellos asaltaos, torneos engafentaos, barcos na mar ensin llendes, mensaxeros con priesa, conspiradores, milagros, reliquies, pecáu, victories y derrotes: un mundu estremáu del nuestru con xente fecho de la mesma pasta que nós.
Xulio Arbesú (L’Entregu 1957), humanista inquietu, ye amás compositor, creador de dalgún testu teatral y estudiosu de l’alma humana. Como novelista diose a conocer nel 2001 con Misión Pelayo (Premiu de Novela Xuvenil de l’Academia de la Llingua Asturiana). Al otru añu féxose col «Llorienzu Novo Mier» de Creación Lliteraria convocáu pola mesma institución con Un raposu en Tresmonte. El Premiu «Xosefa Xovellanos» de Novela ganólu dellos años (2003; 2005, con El pisu d’enriba; y 2016 con El valor del rei, 2017) y tamién el Premiu Narraciones «Trabe» 2011 con Eternu negociu (2013). Tien publicáu’l volume Cuentos con neños (2005). Como ensayista agudu foi a ganar dos veces el Premiu «Máximo Fuertes Acevedo» nos años 2009, con El destín treshumanu, y 2012, con Los deseos del dineru. Potestas ye la obra ganadora del Premiu «Xosefa Xovellanos» nel 2003 qu’agora ve la segunda edición nun intentu de dar al públicu llector asturiano más nuevo una novela histórica que tien tolos ingredientes pa ser un bestseller de la lliteratura asturiana.
Productos asemeyaos
