Nuevu

Cacofonía

Cacofonía

Ken Bugul

978-84-19358-76-9

  • Edición: Primera
  • Páxines: 224
  • Fecha de publicación: 23/02/2024
  • Formatu: 13 x 20 cm
  • Idioma: Asturianu
  •  

    20,00 €

    Ediciones Trabe

    Sali tien que decidir. Tien que marchar o morrer. Nun puede siguir xugando al esconderite porque ella lo que quier ye escapar. Pa llibrase de los dolores que la atormenten tien que marchar, ye algo que sabe que tien que facer.

    Más detalles

Un continente clarescuru, una tierra de color ocre, una casa amariella, un rellanu cualquiera. Sali creyía que too ello, tamién la familia política, yeren «la so tierra». Va descubrir que naquel país nada nun ye inocente. El continente clarescuru ye como un gulag, na tierra ocre la sobrevivencia anula la vida, les muries de la casa amariella nun dexen de subir y d’estrechase al tiempu, el rellanu de les escaleres ye siniestru, xiríngala y refiérvela cada vez que pasa per él. Naquel país nada nun ye inocente. Sali tien que decidir. Tien que marchar o morrer. Nun puede siguir xugando al esconderite porque ella lo que quier ye escapar. Pa llibrase de los dolores que la atormenten tien que marchar, ye algo que sabe que tien que facer. Pero nun sabe pa ónde dir nun continente clarescuru onde’l regresu ye importante en términos de consideración social, onde ye fundamental pertenecer a algo. Sali, acompañada por llibros, plantes y gatos, desespérase y sufre. Dacuando quier pronunciar la palabra cola que romper y desalienase y nun ye quien. Dacuando grita y los gritos queden afogaos nuna cacofonía. Ella, la que tenía que guardar el cuartu del maríu muertu, pidía socorru en silenciu. Sentíase prisionera y por eso pensaba en marchar. Marchar pa volver y refacese. Porque Sali finara pero nun taba muerta y nun tenía falta de canariu de barru pa posar nél.

Mariètou Mbaye Biléoma, Ken Bugul(Ndoucoumane, 1947), ye una de les grandes escritores senegaleses, ganadora del Gran Premiu Lliterariu d’África Negra, amás de llograr el puestu d’Escritora en Residencia de Zurich. Ente les sos noveles destaquen El baobab llocu, Povisa y áscuares, Riwan o’l camín de sable, La llocura y la muerte, Cacofonía y El tríu azul. Nel conxuntu de la so obra rescampla la cultura del so pueblu y la biografía propia, la d’una muyer que nun quier esperar y que france barreres, convenciones y tabús, escandalexando a los contemporáneos dientro y fuera de Senegal. Cacofonía ye un puntu d’inflexón na so obra, pues anque s’estructura y rellaciona tanto cola fantasía como cola realidá, apuesta por nun s’enzarrar nuna pertenencia concreta, escribiendo con desencantu de lo que supón sentise estranxera y prisionera na so casa.

Marta Mori d’Arriba (Xixón, 1965) ye profesora y escritora. Los sos últimos llibros publicaos son OrfandáNotes de lliteratura asturiana y Los carreros del tiempu. Directora de la revista Lliteratura de l’Academia de la Llingua Asturiana, de la que fai parte, tamién ye responsable d’una versión asturiana d’El cementeriu marín de Paul Valèry.

Productos asemeyaos

Product successfully added to the product comparison!