Aire mugoriento
Ricardo Candás
978-84-19358-87-5
- Edición: Primera
- Páxines: 96
- Fecha de publicación: 12/05/2024
- Formatu: 17 x 24 cm
- Idioma: Asturianu
16,00 €
Premiu de Novela Curtia «Andrés Solar Santurio» 2023.
Aire mugoriento fala de la culpa, pero tamién de la redención al traviés de la resolución d’un misteriu qu’arrodia un fechu criminal que cai bien cerca del protagonista.
Aire mugoriento ye una novela, en pallabres del autor, de tremendismu psicolóxicu, na que l’angustia, la sensación constante d’afuegu y el sentimientu de culpa y esmolición del protagonista faen una atmósfera irrespirable. La novela fala de la culpa, pero tamién de la redención al traviés de la resolución d’un misteriu qu’arrodia un fechu criminal que cai bien cerca del protagonista. Alipiu, un rapaz que vive dellos socesos tarrecibles que-y pruyen l’alma, bregará col aire mugoriento que lu ablaya pol so vínculu cola víctima y el victimariu. Y ye qu’esta novela, que retrata con precisión la psicoloxía de los personaxes, tien daqué de novela negra y de suspense, afondando nes solombres más gafes de la psique humana.
Ricardo Candás (Xixón, 1977) ye llicenciáu en Filosofía y profesor de Secundaria. Enfotáu siempre na escritura, sobre manera na poesía, como forma d’aprehender y descifrar el mundu que lu arrodia, tien ganaos dellos premios lliterarios: el «Fernán-Coronas» con Quiciás seya payares (2006), el «Llorienzu Novo Mier» con Nos díes pensatibles (2012), el «Nené Losada Rico» con Naufraxos (2013) y el «Xuan María Acebal» con Superficie del silenciu (2014), toos ellos de poesía. Nel 2010 publicó Les últimes pallabres (Compilación de rellatos), nel que yá apuntaba dalguna de les llinies qu’apaecen n’Aire mugoriento, obra cola que foi a ganar la tercer edición del Premiu de Novela Curtia «Andrés Solar Santurio» nel 2023.
Productos asemeyaos
