Nuevu
El regresu del rei
J. R. R. Tolkien
978-84-19358-93-6
- Edición: Primera
- Páxines: 676
- Fecha de publicación: 15-07-2024
- Formatu: 13 x 20 cm
- Idioma: Asturianu
25,00 €
L’exércitu de Sauron va tomando posiciones y homes, elfos y nanos prepárense pa enfrentase al poder del Señor de lo Escuro. D’otru llau, Frodo y Sam siguen viaxando pel país de Mordor cola misión de llegar al Monte del Destín y destruir ellí l’Aniellu.
L’editor Stanley Unwin pidió-y a Tolkien qu’escribiera una secuela pa El hobbit (1937) y eso afalólu a entamar la que diba ser la so obra más famosa, El Señor de los Aniellos, una novela de fantasía épica dividida en tres volúmenes (La Sociedá del Aniellu, Les dos torres y El regresu del rei), que foi publicada ente 1954 y 1955. Obra más importante de la lliteratura de fantasía, esta triloxía cuenta la historia de cómo los ferreros elfos forxaron los Aniellos del Poder y Sauron, el Señor de la Escuridá, l’Aniellu Únicu. Desque-y lu robaron andó tola Tierra Media a la busca d’él y nun foi a atopalu. Tiempu más tarde, y por casualidá, lléga-y a Bilbo Fardel, un hobbit del Condáu. A Sauron nun-y falta más qu’esi Aniellu pa ser a dominar la Tierra Media.
N’El regresu del rei, tercer y última entrega d’El Señor de los Aniellos, empieza la guerra na Tierra Media. L’exércitu de Sauron va tomando posiciones y homes, elfos y nanos prepárense pa enfrentase al poder del Señor de lo Escuro. D’otru llau, Frodo y Sam siguen viaxando pel país de Mordor cola misión de llegar al Monte del Destín y destruir ellí l’Aniellu.
J. R. R. Tolkien (Bloemfontein, Sudáfrica 1892-Dorset, Inglaterra 1973) foi narrador, poeta, llingüista y profesor universitariu británicu, conocíu sobre manera por ser a crear un mundu imaxinariu que se desenrolla nel continente de la Tierra Media y que va ampliando nes distintes obres que foi publicando a lo llargo la vida y de manera póstuma: El hobbit, El Señor de los Aniellos, El Silmarillion y Los fíos de Húrin.
Nicolás Bardio (Uviéu, 1987) ye llicenciáu en Ciencies Polítiques pola Universidá Complutense de Madrid y máster n’Información y Comunicación especializáu en Periodismu pola Universidá Llibre de Bruseles. Traductor y narrador tien publicaes les noveles Sol reló (2008), novela negra qu’amesta la crítica social y política; Cuando ensamen les abeyes (2011); La colomina 36 (2020), ucronía d’espionaxe soviética cola que foi a ganar el Premiu Asturies Xoven de Narrativa 2019, que va yá pola 3.ª edición; y les noveles Del llau del nigromante (2020) y Interferencies nel Akula (2024).
Productos asemeyaos
