La sonrisa del tyranosauriu. Antoloxía de cuentos fantásticos
Vicente García Oliva
978-84-10345-49-2
- Edición: Primera
- Páxines: 136
- Fecha de publicación: 10/05/2025
- Formatu: 13 x 20 cm
- Idioma: Asturianu
12,00 €
La sonrisa del tyranosauriu. Antoloxía de cuentos fantásticos, de Vicente García Oliva, ye como diz el títulu y por deséu del autor, una esbilla de los munchos cuentos fantásticos que Vicente tien publicao en llibros, revistes y fancines. Esta antoloxía recueye 20 d’ellos, aquellos que por uno o por otro más-y prestaron.
La sonrisa del tyranosauriu. Antoloxía de cuentos fantásticos, de Vicente García Oliva, ye como diz el títulu y por deséu del autor, una esbilla de los munchos cuentos fantásticos que Vicente tien publicao en llibros, revistes y fancines. Esta antoloxía recueye 20 d’ellos, aquellos que por uno o por otro más-y prestaron. Pudieron ser más, tamién menos, pero quixo l’autor y antologador que fueran estos, precisamente estos. Los cuentos qu’equí va topar quien se ponga a lleer son fantásticos a la manera de Cortázar, ye dicir, aquellos nos que nuna narración convencional apaez de sutrucu un elementu sorpresa que la vuelve desavezada, estraña, ye dicir: fantástica. Estos cuentos parten de la realidá cotidiana y tresfórmenla volviéndola inverosímil, ¿o non?
Vicente García Oliva (Xixón, 1944) ye autor de referencia na lliteratura asturiana y ta consideráu’l padre de la novela xuvenil n’asturianu con Fontenebrosa: el reinu de los silentes (1984, 1992, 2011). Con más de 30 títulos, delles obres narratives suyes son: El Norte (1991), reeditada nel añu 2010 baxo’l títulu El Norte. Cuentos 1976-2010; Un par de botes. Cuentos de fútbol (2023), les noveles L’aire les castañes (1989), La vida de siempre (2015) y Los tordos (2023), amás de les xuveniles Elemental, querida Lisa (2007), Fontenebrosa II: la rebelión de los homosaurios, Fontenebrosa III: el final, Diariu d’Enol (1988, 2016), Cuadernu robáu. Diariu de Concha (2015). Ye autor, amás, de dellos ensayos, ente los que destaquen L’aventura humana y lliteraria al rodiu de don Enrique García Rendueles (1992), El ríu soterrañu (2003) o El síndrome de Sherezade (2011). Amás d’ello tien tamién una retafila cuentos pa la reciella: Garulla. Antoloxía del ritmu (2007), Deva y yo (2011), El marineru que perdió’l norte (2016), Xosefa de Xovellanos (2020)… ente más otros.
Productos asemeyaos
