Caleyos de la memoria
Conceição Evaristo (Trad.: Henrique G. Facuriella)
978-84-10345-69-0
- Edición: Primera
- Páxines: 176
- Fecha de publicación: 30/08/2025
- Formatu: 13 x 20 cm
- Idioma: Asturianu
20,00 € Impuestos incluíos
Impuestos incluíos
La favela onde viven van valtala. Saben que nun ye’l paraísu, pero naide nun quier marchar d’ellí: too aquello llevantóse enriba del destierru y de la miseria de caún y faen d’ello razón de vida.
La favela onde viven van valtala. Saben que nun ye’l paraísu, pero naide nun quier marchar d’ellí: too aquello llevantóse enriba del destierru y de la miseria de caún y faen d’ello razón de vida.
Maria-Nueva vive ellí, pero ella escucha y atiende, nun pierde gota de les histories que les muyeres cuenten pelo baxo. Maria-Nueva tien una gana de saber qu’arde delantre de cualquier cosa, colecciona sellos y histories y tien un deséu doliosu d’escribir pa contanos too aquello, pa tresmitinos les voces silenciaes de quien moren na favela.
Va ser ella la que va facer memoria y la que va dar voz a quien tán asitiaes nos márxenes d’una sociedá que les esclúi. Ye ella la qu’escueye les piedres puntiaes que más manquen y la que tien los oyíos, los güeyos y el corazón abiertos, lo necesario pa traenos nesta novela les vides de quien nunca nun ganaron y quieren más escaecer les histories d’esclavitú mientres los rellampos furen el cielu de Belo Horizonte.
Asina les coses, anímovos a percorrer estos caleyos de la memoria, estes histories cosíes como los retayos d’una colcha que se tresmite de xeneración en xeneración y que son un auténticu homenaxe póstumu a les muyeres afrobrasileñes que madrugaben pa enllenar los tendales cola ropa puesto al sol.
Maria da Conceição Evaristo de Brito (Belo Horizonte, Minas Gerais, 1946) ye una de les esponentes con más proyección internacional de la lliteratura afrobrasileña. De la so obra han destacase les noveles Ponciá Vicêncio y Caleyos de la memoria, los llibros de cuentos Insubmissas lágrimas de mulheres, Olhos d’água y Poemas da recordaçao e outros movimentos. Profesora de lliteratura, Evaristo construyó una obra lliteraria vigorosa y de calidá pola que mereció distinciones como’l premiu de Lliteratura del Gobiernu de Minas Gerais (2018), el Troféu Juca Pato al Intelectual del Añu qu’otorga la Unión Brasileña d’Escritores (2023) o l’ingresu na Academia Mineira de Letras (2024). Creadora del conceptu d’escrivivência, la escritura marcada pola esperiencia individual y la memoria colectiva y cola qu’aborda les cuestiones de clase, xéneru y raza, como en Caleyos de la memoria, onde presenta la historia fragmentaria de quien mora nuna favela que va ser valtada.
Henrique G. Facuriella (Blimea, 1980) ye escritor, traductor y profesor. Como traductor encargóse de traer dende’l portugués al asturianu obres d’Al Berto, Mario de Sá-Carneiro, Fernando Pessoa y Alexandre Herculano.
Productos asemeyaos
