Santo Amaro
Arantza Margolles Beran
979-13-88149-04-7
- Edición: Primera
- Páxines: 148
- Fecha de publicación: 17/03/2026
- Formatu: 13 x 20 cm
- Idioma: Asturianu
15,00 €
II Premiu «Muyer» de Narraciones Trabe. Santo Amaro ye una novela ríu, que valiéndose de la historia d’una saga familiar ye quien a desplicanos el sentíu más fondu y humanu del viaxe de la vida, por dicir del viaxe d’Ulises, de la búsqueda del paraísu y del eternu retornu.
Condenáu a vivir na fondera escuridá dempués de quedar ciegu na batalla d'Alcazarquivir, y tres de sentir noticies de que'l rei Sebastián fora axusticiáu en Madrigal, Pedro António, llabriegu portugués n'ayén, maldiz al so sangre si esti llega dalgún día a mezclase col sangre español.
Trescientos años dempués, la premonición del ciegu d'Aguiar espoxiga ente los suaños de futuru, la emigración y los amores, perfumaos col golor podre de les flores de jacarandá, de los sos descendientes nel Brasil.
Santo Amaro ye una novela ríu, que valiéndose de la historia d’una saga familiar ye quien a desplicanos el sentíu más fondu y humanu del viaxe de la vida, por dicir del viaxe d’Ulises, de la búsqueda del paraísu y del eternu retornu. Con ella, Arantza Margolles Beran algamó'l II Premiu «Muyer» de Narraciones Trabe. Esta ye la so primer incursión nel mundu de la lliteratura y failo con rigor y aciertu.
Arantza Margolles Beran (Xixón, 1982) ye historiadora pola Universidá d'Uviéu y posgraduada na Autónoma de Madrid. Dedicada profesionalmente a la divulgación de la Historia, estaya que desendolca coles sos collaboraciones diaries nel diariu El Comercio y na Radiotelevisión del Principáu d'Asturies (RTPA), asina como per aciu d'eventos entamaos pola empresa cultural Cuéntame un Cuadro y la maxa de la compañía teatral Higiénico Papel Teatro, esta ye la so primer incursión na narrativa de ficción. O non tan de ficción, siendo, como ye, tatarañeta de Xosefa Santos y trece veces ñeta del ciegu d'Aguiar. Les sos últimes publicaciones son l'ensayu n'asturianu Fuimos granos d'arena. La solidaridá n'Asturies énte'l Desastre d'Annual (Trabe, 2024) y les guíes, en castellán y n'inglés, Rutas con historia por Asturias y Oviedo on my mind (Delallama 2026).
Productos asemeyaos
