Al dios del llugar
Xuan Bello
979-13-88149-13-9
- Edición: Primera
- Páxines: 144
- Fecha de publicación: 06/05/2026
- Formatu: 16 x 22,5 cm
- Idioma: Asturianu
15,00 €
La ciudá d’Uviéu, la capital d’Asturies, vertebra esta obra na que l’autor fai un retratu impagable d’espacios que, gracies a estes páxines y a los recuerdos compartíos, van tar siempre nel cantu la memoria de los y les llectores.
La ciudá d’Uviéu, la capital d’Asturies, vertebra esta obra na que l’autor fai un retratu impagable d’espacios que, gracies a estes páxines y a los recuerdos compartíos, van tar siempre nel cantu la memoria de los y les llectores. Al dios del llugar ye una obra viva, construída con ciñu, alcordances y vivencies, que nos empobina a ritmu de blues per Pumarín y per L’Argañosa hasta llegar a la mesma plaza del Paragües o al balneariu de Les Caldes, nun tránsitu iniciáticu y poéticu que fotografió Eduardo Carruébano siguiendo los pasos y les palabres de Xuan Bello.
Xuan Bello (Paniceiros, 1965-2025), Premiu Nacional de Lliteratura 2017, ye la voz más universal de les lletres asturianes. Poeta, narrador y traductor, empieza publicando poesía en 1982, Nel cuartu mariellu, al que siguen Llibru de les cenices (1987), Los nomes de la tierra (1991), El llibru vieyu (1994), Los caminos secretos (1997) y El llibru nuevu (2017). En 2002 aparez Historia universal de Paniceiros, la obra narrativa que-y da proxección peninsular, tres de la que vienen Los cuarteles de la memoria (2003), Meditaciones nel desiertu (2003), La nieve y otros complementos circunstanciales (2007) o Unas poucas cousas guapas (2009) ente otros títulos.
Al dios del llugar ye un viaxe pel llaberintu uvieín al traviés de los descubrimientos del mozu que foi Xuan Bello, sí, pero tamién ye un viaxe del autor, yá adultu, nel que son a xuntase la emoción y la memoria pa contanos les histories qu’escuende la capital d’Asturies.
Productos asemeyaos
