Bisarma
Marina Pangua Cuesta
979-13-88149-24-5
- Edición: Primera
- Páxines: 80
- Fecha de publicación: 10/05/2026
- Formatu: 17 x 24 cm
- Idioma: Asturianu
15,00 €
Premiu «Xosefa Xovellanos» de Novela, 2025.
Una visión conformada por flaxes que se soceden: les foles, un piescu con formigues, la primer ecografía, un muxín, Montmartre, La Cuesta la Vega… Una apaición que tenta de fuxir, que pregunta pa qué val rezar, que llega tarde a too, que tien el branu como patria, que cura mancadures… Bisarma, que ye visión y apaición, ye sobre manera facer funambulismu y parapente cola vida. Ye ser madre, ser amiga y ser nieta. La incertidume, les preguntes, la memoria, el remar a contracorriente. Sí, Bisarma tamién ye too esto. Bisarma yes tu, muyer asturiana del sieglu XXI, reflexada nun espeyu.
Marina Pangua Cuesta (Llanera, 1992) ye una de les voces más suxerentes y polifóniques de la lliteratura asturiana actual. Escritora, música y profesora de francés, habita un universu creativu onde la pallabra y la melodía s’entecrucen: compón y canta nel proyectu La Ciudá nel Mar y forma parte del colectivu de música tradicional Muyeres. Los sos primeros pasos na escritura, recoyíos n’antoloxíes como Escritores asturianes (2017), yá dexaben aldovinar una mirada singular. Tres la bona acoyida de la so primer novela, Pel norte n’El Cantu Llunada (Trabe, 2025) –ganadora del I Premiu «Muyer» de Narraciones–, Marina Pangua consolídase como una narradora d’estilu finu y esixente. Con Bisarma, obra que-y valió’l XLVI Premiu de Novela «Xosefa Xovellanos», l’autora afonda nuna narrativa intimista. Ente lo cotidiano d’un branu con amigues pente los cantiles de Llames de Pría y el recuerdu de los primeros trabayos y amores en París, la so escritura llevanta un mapa d’ausencies y presencies inquietantes, una coreografía de pantasmes qu’habiten lo cotidiano con una fondura poética ya inquietante.
Productos asemeyaos
