Nuevu
La fía'l mineru
Beatriz Quintana Coro
979-13-88149-06-1
- Edición: Primera
- Páxines: 80
- Fecha de publicación: 12/05/2026
- Formatu: 14 x 21,5 cm
- Idioma: Asturianu
12,00 €
Esta obra fai un esame, una reflexón perfonda y personal de la so vida, y de la naturaleza del propiu ser suyu, la so sencia, al través de los fechos oxetivos: la muerte de so padre na mina y tolo qu’ello significó na so manera d’entender el mundu y entendese a ella mesma.
La fía’l mineru, de Beatriz Quintana Coro, ye exemplu claru del llamáu ensayu introspectivu, tamién reflexivu, con gran desarrollu na lliteratura anglosaxona y que va llegando hasta nós. Vien a ser esta triba d’ensayu «un esame fonderu de les suposiciones, creencies o reacciones d’una persona énte’l conocimientu, o los fechos y esperiencies personales». Y esto ye, bien claro, esta obra: «la fía’l mineru» fai un esame, una reflexón perfonda y personal de la so vida, y de la naturaleza del propiu ser suyu, la so sencia, al través de los fechos oxetivos: la muerte de so padre na mina y tolo qu’ello significó na so manera d’entender el mundu y entendese a ella mesma. Con un llinguaxe claru y cenciellu, que delles veces llama a la tenrura y otres a la rabia, Beatriz Quintana Coro ye quien a ponenos frente a situaciones qu’igual nunca nun fuimos a imaxinar.
Beatriz Quintana Coro (Llangréu, 1995) ye graduada en Llingües Modernes pola Universidá d’Uviéu y profesora d’Enseñanza Secundaria. Collaboró en revistes como Lliteratura y A Quemarropa. Tien publicaes les noveles Fábrica XXI (2023) y La tráxica hestoria de cómo Abrahán mató la música (2023), Premiu «Enriqueta González Rubín» de Narrativa Moza 2022.
Productos asemeyaos
