Nuevu

Memoria de Tuña

Memoria de Tuña

Antón García

978-84-949793-9-2

  • Edición: Primera
  • Páxines: 296
  • Fecha de publicación: 01/11/2019
  • Formatu: 16 x 22,5 cm
  • Idioma: Asturianu
  •  

    20,00 €

    Saltadera

    ¿Cuentos, novela fragmentaria, llibru d’historia? Memoria de Tuña ye, enantes qu’otra cosa, un diálogu narrativu que l’autor establez ente’l pasáu y el presente, ente la realidá y la lleenda.

    Más detalles

¿Cuentos, novela fragmentaria, llibru d’historia? Memoria de Tuña ye, enantes qu’otra cosa, un diálogu narrativu que l’autor establez ente’l pasáu y el presente, ente la realidá y la lleenda. El puntu de xuntura ye’l llugar de Tuña, el pueblu del conceyu Tinéu que figura en nota al pie nel llibru grande de la historia desque naz nél el Xeneral Riego. Pero per estes páxines caminen xuntos personaxes históricos de relevancia (dalgún romanu, otros Riego, Pelayo, Catalina Suari, Ernest Hemingway, Ugo Foscolo, Elizabett Barrett Browning, Cela, Machado, Onassis, José Maldonado...) y los homes y muyeres que construyen la vida cotidiana dende l’anonimatu. El resultáu ye una obra coral, brillante, sorprendente, que se mueve con llibertá nun arcu temporal de más de dos milenios per esi cruce de caminos que siempre foi el valle abiertu de Tuña y que lleva a cualquier parte del mundu.

Antón García naz nesi pueblu en 1960, onde vive hasta los diecisiete años, cuando se treslada pa iniciar estudios universitarios inorando que nunca más diba volver a residir nél. Profesor de Lliteratura Asturiana na Universidá d’Uviéu, poeta, narrador, traductor y críticu, tien publicada una amplia obra na que destaquen les noveles Díes de muncho (1998) y Crónica de la lluz y la solombra (2015).

Productos asemeyaos

Product successfully added to the product comparison!