Palabres clares. Un cuartu de sieglu de poesía asturiana (1980-2005)
José Luis García Martín
84-8053-355-2
- Edición: Primera
- Páxines: 328
- Fecha d'actualización: 29/12/2009
- Formatu: 14 x 22 cm
- Idioma: en llingua asturiana
18,00 € Impuestos incluíos
Impuestos incluíos
Significativa amuesa de la poesía asturiana escrita nos caberos 25 años.
Esti volume, nel que s'atropa una amuesa significativa de la poesía asturiana escrita nos postreros venticinco años, rispe por ser una auténtica sorpresa pa bona parte de los llectores, igual de dientro que de fuera d'Asturies. La nueva poesía asturiana -a la vegada urbana y rural, local y universal, con tastu a vida vivida y a vida perdida y alcontrada nuna biblioteca– ha resultar una aventura fascinante pa cualesquier llector. 24 son los poetes asturianos equí antologaos, pertenecientes a la primer y segunda xeneración del Surdimientu: Antón García, Berta Piñán, Xuan Bello, Pablo Antón Marín Estrada, Taresa Lorences, Miguel Rojo, Ánxel Álvarez Llano, Esther Prieto, Lurdes Álvarez García, Ignaciu Llope, Xulio Viejo, Xuan Santori, Xandru Fernández, Chechu García, Martín López-Vega, Pablo Rodríguez Medina, Luia Salas Riaño, Lluís Fano, Aurelio González Ovies, Marta Mori, Xabiero Cayarga, José Luis Rendueles, Elías Veiga y Ana Vanessa Gutiérrez.
José Luis García Martín nació n'Aldeanueva del Camino, Cáceres, en 1950. Profesor de la Universidá d'Uviéu, poeta y críticu, nos últimos 25 años, desque publicara en 1980 Las voces y los ecos, vien dedicando diverses antoloxíes a la poesía española, ente les que cabe citar Poesía española 1982-1983 (1983), La generación de los ochenta (1988), Selección nacional (1995), Treinta años de poesía española (1996), La generación del 99 (1999) y Poetas del novecientos (2001). La mayor parte de la so poesía ta recopilada nos llibros Poesía reunida (1990), Material perecedero (1998) Y Mudanza (2004). Ye director de la revista Clarín._x000D_
Productos asemeyaos
