Carrín vaciu
Preciu impuestos incluíos
Xosé M. Valdés
84-8053-106-1
8,50 € Impuestos incluíos
Impuestos incluíos
La poesía completa d´ún de los autores más destacaos de la posesía asturiana.
¡Últimes unidaes!
Fecha de disponibilidá
Como los clásicos, Xosé Manuel Valdés Costales nun escribe llibros de poesía, sinón poemes que depués se presenten a los llectores revistíos cola forma d'un llibru, ún, que va completando con vagar y sabiduría, ensin priesa. Nun importa muncho que'l títulu se repita al cabu de diez años, nin l'orde nel qu'apaecen los poemes. Depués d'una llarga y poco difundida obra poética en castellán, baxo l'epígrafe Memoria encesa foi adelantando dende 1987 les sucesives entregues de la so poesía n’asturianu en revistes como Lletres asturianes o Adréi. En 1989 xuntó en llibru, col mesmu títulu, venti poemes, una edición cásique clandestina que tuvo una vida abegosa y poca difusión. Nesta nueva edición, a los poemes asoleyaos naquel llibru xuntamos los que foron apaeciendo per revistes y periódicos nestos anos, y unos pocos más que son inéditos. El llibru complétase cola traducción al asturianu de seis poemes del portugués Fernando Namora, que se publicaron primero na revista Lliteratura en 1992. Xosé Manuel Valdés Costales nació en Quintueles, Xixón, en 1948. Estudió Maxisteriu n'Uviéu, entamando depués estudios de Filoloxía que nun acabó. Tien una llibrería de vieyo na cai Gastañaga d'Uviéu.
Esti sitiu usa cookies pa qu’esfrutes de la meyor esperiencia d’usu. Si sigues navegando, atalantamos qu’aceptes les mentaes cookies y la nuestra política al rodiu d’elles. Da-y al enllaz | close |