L.luz d´amanecer

Sabelo Fernández

84-8053-157-6

  • Edición: Primera
  • Páxines: 80
  • Fecha d'actualización: 17/12/2009
  • Formatu: 14 x 21 cm
  • Idioma: en llingua asturiana
  •  

    8,00 €

    Ediciones Trabe

    Reaparición d’una poeta callada dende hai diecisiete años, l´autora d´AYUNDES.

    Más detalles

A finales de 1983 presentábense a la sociedá asturiana, cola publicación del llibru de poemes Ayundes, tres novedaes: los propios versos intimistes y perfechos d'aquel llibru, l'autora, una mui moza Sabela Fernández (la primer muyer que publicaba dende dientro del Surdimientu), y la editorial, Llibros de Frou, la primer iniciativa privada nel mundu de la edición n'asturianu. Aquel llibru diba ilustráu con unos guapos dibuxos de Manuel G. Linares y llevaba una pequeña nota del poeta Felipe Prieto. Diecisiete años depués Sabela Fernández (Caeras, Tinéu, 1962) preséntase otra vuelta delantre de los sos munchos llectores con una nueva ya inesperada entrega, que paez retomar les coses onde quedaron: Trabe ye la continuadora d'aquellos Llibros de Frou y L.luz d'amanecer ilústrase con nuevos dibuxos de Manuel G. Linares. Sicasí, nada ye lo mesmo. La poesía xuvenil d'aquel llibru que falaba d'amor, deséu y desosiegu tresfórmase equí nuna voz madura, posada, onde sigue presente l'amor, pero agora la entrega amorosa ye maternal: en L.luz d'amanecer una madre tresmite al fíu, coles palabres de casa, la so visión del mundu, el nome de les coses que poblaron la so infancia, los llugares andaos, los oxetos cotidianos, les persones conocíes que yá solo viven na memoria... Munches de les referencies d'esti sorprendente llibru, construyíu alcuando con repeticiones de soníos o de palabres, como nun xuegu infantil, remiten a un mundu rural a piques de desapaecer, pero que de la mano sabia de Sabela Fernández adquieren, convertíes en lliteratura, vida nueva.

Productos asemeyaos

Product successfully added to the product comparison!