Poemes raros (de sangre seco)
Xuan Carlos Crespos Lanchas
84-8053-386-2
- Edición: Primera
- Páxines: 72
- Fecha d'actualización: 29/12/2009
- Formatu: 14 x 21 cm
- Idioma: en llingua asturiana
9,00 € Impuestos incluíos
Impuestos incluíos
Poemes raros (de sangre seco) fíxose col premiu del II Certame de Poesía "Nené Losada Rico" na convocatoria del añu 2004.
De siempre tarrecí dar definiciones de coses tan personales como que ye pa mi l a poesía. Ye más, lo que menos me presta d’un escritor ye la so opinión sobre la so obra, lo muncho o poco que-y costó facela. Les sos opiniones son davezu místiques propies d’un onanismu malcuráu ya peor disimuláu. Pa mi la poesía ye como una puerta, o una gatilera o... espero m’entiendas. A vegaes tien el piesllu echáu y nun puedo pasar, a vegaes ta de par en par y nun quiero pasar, nun hai retu nello. Pero de ralo en ralo de nueche, día o tarde (nunca repite los mesmos parámetros) oigo guelpes tres la puerta y de mi sal como una curiosidá, una curiosidá siempre malsana, o meyor dicho una curiosidá rara, especial. Una curiosidá d’atravesar la puerta y con una aguya nes manes dir cosiendo lletra a lletra p’atropar pallabres que con filu que sólo veo yo, con filu raro, coso ringleres (que les otres persones llamen versos y que yo nun sabría, nin m’importaría da-yos nome) y más ringleres. El trucu ye’l ritmu. Que les lletres, pallabres ya ringleres vayan cayendo nun papel (tamién curiosu y, por ello, raru). Teo que dame priesa. Por ello teo que dexar de facer tolo que tea faciendo nesi momentu (anque seya sólo dormir) porque ensin previu avisu la curiosidá pliégase, les lletres colen y pierdo l’aguya tres d’una puerta (o quiciabes gatilera) que de nueu torna tar pesllada. Como güei. Como agora.
Xuan Carlos Crespos Lanchas nació en Xixón en 1970. Funcionariu de l'Alministración de Xusticia, poeta, narrador y críticu teatral, collabora en revistes y publicaciones de diferente calter (Lletres Asturianes, La Ratonera, Reciella Malory, Lliteratura...) y yá ganó dellos premios de cuentos, tanto n'asturianu como en castellanu ("Relatos Curtios de Llaviana, 2004; Certame "Todos somos diferentes", 2005; Certame "Vamos a contar un cuentu", 2005). Con Poemes raros (de sangre seco) fíxose col premiu del II Certame de Poesía "Nené Losada Rico" na convocatoria del añu 2004.
_x000D_
Productos asemeyaos
