Carrín vaciu
Preciu impuestos incluíos
Pablo Texón Castañón
978-84-8053-475-8
10,00 € Impuestos incluíos
Impuestos incluíos
Segundu poemariu de Pablo Texón col que ganó ex æquo`l Premiu «Teodoro Cuesta» na convocatoria del añu 2006.
¡Últimes unidaes!
Fecha de disponibilidá
La culpa y la lluz ye`l segundu poemariu publicáu por Pablo Texón, col que ganó ex æquo`l Premiu «Teodoro Cuesta» na convocatoria del añu 2006. Afondando na llinia entamada en Toles siendes, l`autor ufre equí una poesía de la desolación, que bancia p`hacia un esistencialismu qu`albidra la vida como desposeimientu.
Trescalaos de referencies lliteraries –que van de García Lorca a Cortázar, deteniéndose en Blas d`Otero–, los versos d`esti poemariu, de naturaleza figurativa con pincelaes surrealistes, falen de la parte más escura de la vida: la qu`informa sobre la llucha que`l ser humanu caltién ente la culpa (el mal) y la lluz (el bien). Ensin esperanza, sabiendo que vivir ye más nada que`l tangu qu`un «facedor remotu y cruel» escribe y canta, la voz llírica qu`habita estos poemes camina «con falsa sumisión».
Pablo Texón Castañón (Felechosa, Ayer, 1977), llicenciáu en Filoloxía Hispánica y especialista en Filoloxía Asturiana, profesor de Secundaria, ye una de les voces más personales del panorama lliterariu asturianu, tanto en prosa (yá ganó dellos premios de cuentos) como en versu. Tien publicaos el poemariu Toles siendes (2005) y el volume de cuentos Catedral (2006).
Esti sitiu usa cookies pa qu’esfrutes de la meyor esperiencia d’usu. Si sigues navegando, atalantamos qu’aceptes les mentaes cookies y la nuestra política al rodiu d’elles. Da-y al enllaz | close |