Les races del olvidu
Marisa López Diz
978-84-8053-889-3
- Edición: Primera
- Páxines: 52
- Fecha de publicación: 01/07/2017
- Formatu: 14 x 21 cm
- Idioma: Asturianu
10,00 €
Nesta obra, Premiu «Teodoro Cuesta» 2015, l'autora, fiel a la so voz más personal, amiésta-y a la emoción y sinceridá de los sos versos una nueva visión más amplia y comprometida. La realidá déxase entever al traviés de metáfores qu'encierren la esencia d'un viaxe interior y, al mesmu tiempu, d'una apertura al mundu.
Marisa López Diz (Xixón, 1970) ye llicenciada en Filoloxía Hispánica y especialista n’Asturianu y Gallego-asturianu, llingües les dos –xunto col castellanu– nes qu’escribe poesía y narrativa tanto pa neños como p’adultos. Tien mediu centenar de premios y menciones, tanto n'Asturies como a nivel nacional. Na nuesa tierra destaquen ente otros: «Fernán Coronas», «Elvira Castañón», «Xeira», Premiu de la Crítica, Urogallo de Bronce del Centru Asturianu de Madrid, «María Josefa Canellada», «Fernández Lema» o'l «Nené Losada».
Collabora en diverses publicaciones lliteraries y la so obra ta recoyida en delles antoloxíes. Nel xéneru poéticu tien publicaos los poemarios Tiempu de tristura y A terra esqueicida y nel xéneru infantil-xuvenil publicó Poemes de carambelu, Binoca, Malva y el paragües máxicu, Malva y el papapallabres y Tatuaxes nel corazón.
Forma parte del dúu musical Mestura, con cuatro trabayos discográficos publicaos con lletra y música orixinales. Dirixó dos curtiumetraxes con guion orixinal. Actualmente compaxina'l so llabor lliterariu y cultural col trabayu como profesora d'Enseñanza Secundaria.
Con Les races del olvidu algama'l Premiu «Teodoro Cuesta» 2015. Nesta obra l'autora, fiel a la so voz más personal, amiésta-y a la emoción y sinceridá de los sos versos una nueva visión más amplia y comprometida. La realidá déxase entever al traviés de metáfores qu'encierren la esencia d'un viaxe interior y, al mesmu tiempu, d'una apertura al mundu. Les races del olvidu ye'l camín pel que transita'l desconsuelu, la memoria, la denuncia, la voz invisible de quien anda al debalu hacia un destín inciertu.
Productos asemeyaos
