-10%
Horizonte de socesos
Héctor Pérez Iglesias
978-84-18286-84-1
- Edición: Primera
- Páxines: 64
- Fecha de publicación: 15/03/2022
- Formatu: 14 x 21 cm
- Idioma: Asturianu
10,80 € Impuestos incluíos
12,00 € Impuestos incluíos
Otra vuelta, Héctor Pérez Iglesias arriesga y gana l’apuesta: Horizonte de socesos ye un poemariu honestu, fondu, derrompedor de caminos.
Ye posible que de tola poesía que s’escribe n’Asturies, la d’Héctor Pérez Iglesias sía la más riesgosa y anovadora. Ente lo surrealista y lo figurativo, Héctor Pérez envizcónos yá hai tiempu a una poesía fonda, densa, dacuando hermética, que xuega coles formes y colos fondos. Si l’anterior poemariu, Dende tan lloñe, presentaba una escritura repetitiva ya irracional, nesti Horizonte de socesos ye l’espaciu abiertu (ye dicir, el poema abiertu, con horizonte) el que paez qu’escapa páxina alantre o que vien de lloñe con un discursu yá empezáu hai tiempu y que nós, llectores, somos a lleer namás en parte, porque d’esa manera lo quier el yo qu’escribe. Otra vuelta, el poeta arriesga y gana l’apuesta: Horizonte de socesos ye un poemariu honestu, fondu, derrompedor de caminos.
Héctor Pérez Iglesias (Arlós, Llanera, 1978) ta consideráu una de les voces más importantes de la lliteratura asturiana. Entamó publicando en castellanu el poemariu Las tardes baldías (2004) pa después pasar a escribir y publicar n’asturianu: Prisión de náufragu (2006), L’amarga cazumbre (2008), Como crecieres tu (2008), Lo peor del bon tiempu (2010), Aquella xente nunca sabía aú llevaben les carreteres xunta les que vivíen (2011), La mano vacía (2012) y Dende tan lloñe (2019). En Desinencies (2009) axunta un tropelín de rellatos y ye la so estrena como narrador.
Productos asemeyaos
