Memoria del futuru

Carlos Rubiera

978-84-19358-37-0

  • Edición: Primera
  • Páxines: 80
  • Fecha de publicación: 03/03/2023
  • Formatu: 14 x 21 cm
  • Idioma: Asturianu
  •  

    14,00 € Impuestos incluíos

    Ediciones Trabe

    Memoria del futurude Carlos Rubiera, ye un exerciciu puru de madurez: poemes densos, condensaos, auténticos, a la manera d’Acebal, el gran poeta asturianu del sieglu XIX. 

    Más detalles

Memoria del futuru, de Carlos Rubiera, ye un exerciciu puru de madurez: poemes densos, condensaos, auténticos, a la manera d’Acebal, el gran poeta asturianu del sieglu XIX. Dividíu en tres partes («Dacuando voi hasta’l banzáu del ríu…», «Cuando xube la marea…» y «El tiempu inevitable de la siega...», Memoria del futuru ta formáu por trenta poemes de corte clásicu, de rima fina y sílabes cuntaes. La primer parte ye lo primero de la vida, la inocencia y l’aprendizaxe; la segunda ye’l «tiempu les cereces», la metá de la vida, cuando xube la marea y vien l’amor y marcha y un daqué de mieu s’instala nos güeyos. «El tiempu inevitable de la siega...» ye'l tiempu más ásperu, cai la seronda na natura y sos criatures y el pasar del tiempu vien a ser el cantar humanu. Siégase la toñada y hasta la vida nesos díes que dan pasu a l'iviernu y la memoria s'enllena de povisa. Un paganismu panteísta, nel que Dios y la naturaleza son uno, percuerre los versos d’esti poemariu col que Carlos Rubiera ruempe un llarguísimu silenciu lliterariu.

Carlos Rubiera Tuya (Caldones, Xixón, 1956) ye músicu y compositor, académicu de l'Academia de la Llingua Asturiana, asturianista activu, políticu y escritor posáu mesmo en prosa qu'en versu. Miembru de Conceyu Bable, conformó nos años setenta del sieglu XX el movimientu musical asturianu conocíu como Nueu Canciu Astur. Tien ganao dellos premios y publicaos una novela (Ñublu de mar y de distancia, 1983), dos volúmenes de cuentos (Cuentos de tres la guerra, 1981; Cuentos de bona oreya, 1988) y un poemariu (Venti sonetos de la vida y la muerte, 1999).

Productos asemeyaos

Product successfully added to the product comparison!