José Luis Rendueles
978-84-10345-01-0
14,00 €
Buraca, esti poemariu de poemes «narrativos», de versos llargos, llibres y más que llibres: llibre la risa del nenu, llibre’l «posu agrín que dexa la llingua materna», llibre’l mieu a que quien escribe faiga verbu esi «requexu visiegu» aonde nunca nun lleguen les coses bones. Eso que yes de verdá.
¡Últimes unidaes!
Fecha de disponibilidá
Buraca, esi buracu grande, «esa vía d’escape en metá del matu», aonde caen les xeneraciones: padres, madres, fíos y fíes, ñetos y ñetes. Ser fíu y ser padre, sentir el mieu y el pasar del tiempu, sentir perder les palabres qu’heredesti y nun ser quien a dexales n’heredá. Buraca, esti poemariu de poemes «narrativos», de versos llargos, llibres y más que llibres: llibre la risa del nenu, llibre’l «posu agrín que dexa la llingua materna», llibre’l mieu a que quien escribe faiga verbu esi «requexu visiegu» aonde nunca nun lleguen les coses bones. Eso que yes de verdá.
José Luis Rendueles (Xixón, 1972) ye narrador y poeta. Empezó escribiendo en castellanu pa pasar, nos primeros años del sieglu XXI, a usar l’asturianu na so obra. Como poeta tien publicaos los llibros Casería (2002), Albentestate (2003), Cabudañu (2006) y Ferruñu (2007). Amás ganó dellos de los premios de poesía de más prestixu nes lletres asturianes: «Xuan María Acebal» 2001 y «Fernán-Coronas» 2002. Depués d’años de silenciu, José Luis Rendueles vuelve a facenos sentir alcuando la palabra aceda, les más de les veces, la perdida, nun poemariu sinceru y enllén d’humanidá.
Esti sitiu usa cookies pa qu’esfrutes de la meyor esperiencia d’usu. Si sigues navegando, atalantamos qu’aceptes les mentaes cookies y la nuestra política al rodiu d’elles. Da-y al enllaz | close |