Guapura
Daniel García Granda
979-13-88149-08-5
- Edición: Primera
- Páxines: 66
- Fecha de publicación: 10/05/2026
- Formatu: 14 x 21 cm
- Idioma: Asturianu
15,00 €
Premiu «Teodoro Cuesta» 2025
Daniel García Granda (La Pola Siero, 1972) ye profesor, escritor y traductor. Tien publicaos los poemarios Poemes del últimu selvaxe (2012), El Remediu (2015), El raitán y el sangrín (2020) y Rosada 3.0. Monólogu interior con alumnos al fondu (2023, Premiu «Fernán-Coronas» 2021); los álbumes infantiles ilustraos Versos d’Asturies (2017), Amorina Motosierra (2018), Prau (2021) y Más versos d’Asturies (2025); y traduxo al asturianu Country wisdom de John Berger (El saber del país, 2022) y In Dubious Battle (En llucha incierta, 2023, Premiu «Florina Alías» 2024).
Esti ye un poemariu nel que, si bien Caronte nun ye a cruciar de tanta guapura que tien, l’autor quier que nos somorguiemos nella, bien diendo pela rampla o tabayón abaxo, bien recordando la d’aquel branu y la de la güerta, bien sintiendo rinchar la exa’l mundu mientres San Pedro esbilla unes ablanes. La guapa propuesta poética del poeta polesu preséntase equí con nome de muyer y cola clin espelurciao, porque ye la guapura del sudu y del amor, la de los curruscos y la de la lluz de los crisantemos morrisianos. Una obra heteroxénea que lo mesmo descubre la casa de Cohen n’Hydra que tastia la espluma nel Ca Beleño, porque nella tropiecen lo yerbato y lo nipón p’acabar regalándonos unes instrucciones pa pulgar una mazana.
Productos asemeyaos
