Los desconocedores del agua
Pablo Rodríguez Medina
84-8053-213-0
- Edición: Primera
- Páxines: 40
- Fecha d'actualización: 19/06/2014
- Formatu: 14,5 x 21,5 cm
- Idioma: en llingua asturiana
7,00 € Impuestos incluíos
Impuestos incluíos
Premio Asturias Joven de Poesía 2001.
Escosáu
Dende'l primer poemariu n'asturianu que publicara Pablo Rodríguez Medina, Nel dialéutu del grisú, paecía reclamar pa sigo'l títulu de poeta del orbayu. La estroza d'una tierra, la historia d'un olvidu (el de la llingua, el de la propia identidá, el del tiempu que paez nun correr, que nun paga la pena que pase...) yeren temes recurrentes, tópicos remocicaos al empar que la imaxe de la ceniza que lo llaraba, metáfores de la nada qu'asomaben perdayures nun tonu sentíu, íntimu, elexiacu... Nesta tercer entrega poética, Pablo Rodríguez Medina sigue albidrando el fin caberu y definitivu del so mundu: ensin l'agua que per tolos llaos s'esmuz, ensin el primixeniu elementu de la vida queda la vida ensucha y la palabra erma, queda'l camín n'abertal pal escaezu.
Pablo Rodríguez Medina (L'Entregu, 1978) ye, pesie a la so mocedá, ún de los escritores asturianos más fértiles y premiaos. Poeta y narrador, escribe la so obra nes dos llingües d'Asturies: asturianu y castellán.
Productos asemeyaos
