Nuevo
¡Esperemos! Así nos lo mandan El debate sobre l’estatutu asturianu na II República
Carlos Gordon
978-84-19358-96-7
- Edición: Primera
- Páginas: 576
- Fecha de publicación: 12/04/2024
- Tamaño: 14 x 21 cm
- Idioma: Asturianu
25,00 € impuestos inc.
impuestos inc.
Nesti llibru, l’historiador indaga y afonda nel debate autonomista que se dio na II República, usando pa ello un gran volume de documentación procedente de la prensa de la dómina, lo que-y permite describir, analizar y evaluar l’impactu del debate na opinión pública asturiana.
«Discutir sobre si Asturies tenía falta o non d’un estatutu dexó un bon puñáu de testimonios, polémiques qu’ameriten atención y que pueden ayudanos a comprender meyor la historia d’Asturies, la d’España y la rellación ente dambes. Too ello ensin escaecer que, a pesar de l’arrogancia cola que se despachaben acusaciones de “provincianismu”, lo cierto ye que’l debate empataba con preocupaciones y discusiones que percorríen la Europa de los años trenta. Temes nada menores nin “provincianos”, anque se formularan en términos locales. Nun tien que nos chocar. Asturies nun vivía nuna burbuya, nin yera una simple cámara de resonancia o receptor pasivu de los debates que bullíen na capital de la República. Ye por eso que, a últimes, y con toles limitaciones que queramos, el debate sobre l’autonomía asturiana fai parte con tol derechu de la conversación pública d’aquella tráxica década de los trenta n’Europa».
Carlos Gordon Rodríguez (Xixón, 1974) ye doctor n’Historia pola Universidá d’Uviéu y miembru del equipu d’investigación del Archivu de Fuentes Orales pa la Historia Social d’Asturies (AFOHSA). Autor de llibros como La prensa sindical y política asturiana en la transición (1975-1982) (KRK, 2009) y De la lucha antifranquista a los nuevos movimientos sociales. Una historia del Movimiento Comunista de Asturias (KRK, 2023), amás de bien d’artículos d’historia contemporánea d’Asturies. Tamién ye coautor –en xunto con Rubén Vega– de los llibros Juan Muñiz Zapico, Juanín (KRK, 2007) y Historia de Gijón (Editorial Prensa Asturiana, 2010). Nesti llibru, l’historiador indaga y afonda nel debate autonomista que se dio na II República, usando pa ello un gran volume de documentación procedente de la prensa de la dómina, lo que-y permite describir, analizar y evaluar l’impactu del debate na opinión pública asturiana.
Productos relacionados
