Xuan Canas. Nueite de filandón. Inclúi CD cola traducción al español
Xosé M.ª Rodríguez
84-8053-369-2
- Edición: Primera
- Páginas: 96
- Fecha actualización: 29/12/2009
- Tamaño: 14 x 21 cm
- Idioma: en llingua asturiana
10,00 € impuestos inc.
impuestos inc.
Segunda edición de dos de los llibros más emblemáticos del Surdimientu asturianu.
En 1982 Xosé Mª Rodríguez publicaba en Madrid Nueite de filandón (Cuentos na nuesa l.lingua). Nél recochía una serie de narraciones de calter popular a las que-l.lys daba un envoltoriu modernu ya altamente estéticu. Una anu más tarde, ya tamién dende la capital del Estáu, chega Xuan Canas. Nial d’alcordanzas, convertíu al pouco en referente obligáu de los nuevos escritores ya l.lectores asturianos. Nesti nuevu l.libru, la temática contemporánea, cola carga social característica de la primer promoción del Surdimientu ya los axeitaos retratos psicolóxicos de los personaxes destacan xunto al yá amosáu procuru llingüísticu ya fondu conocimientu del asturianu occidental, nu que tán escritas las duas obras.
Más de venti anos espuéis, Ediciones Trabe reúne nun volume los dous l.libros de relatos, calteniendo las guapas ilustraciones orixinales de Neto ya de Rafael Calvo Martínez. L’autor, como yá se dixo, gran conocedor de la variante occidental del asturianu ya consciente de los cambeos producíos nestas duas décadas, actualizóu la ortografía, lo que nun-l.lys fixo perder un rispiu de frescura.
Xosé María Rodríguez (Bimeda, Cangas del Narcea, 1956), pertenecéu a Conceyu d’Asturies de Madrid, ciudá na que vive ya trabacha dende 1975, anguaño como Director de Desarrollu Corporativu del serviciu d’emerxencias 112 de la Comunidá de Madrid. Activista inquietu del asturianismu, espuéis d’anos de silenciu, en 2004 publicóu nesta mesma editorial la novela Tiempos de nublina, cona qu’algamóu gran ésitu de públicu ya de crítica.
Productos relacionados
