Ensin otra sida

Berto García

84-8053-374-9

  • Edición: Primera
  • Páginas: 72
  • Fecha actualización: 17/12/2009
  • Tamaño: 14 x 21 cm
  • Idioma: en llingua asturiana
  •  

    10,00 € impuestos inc.

    Ediciones Trabe

    Si hai daqué que caracteriza´l versu de García ye la fraxilidá. Ringleres de cristal tallao cola sabiduría del que nun tien priesa.

    Más detalles

Si hai daqué que caracteriza’l versu de García ye la fraxilidá. Ringleres de cristal tallao cola sabiduría del que nun tien priesa. Y ye que los que conocemos a Berto sabemos que tamos falando d’un autor con muncha profesión na confección de testos, un caderalgu en paciencia y un mayestru a l’antigua torniando les pallabres de querencia y denuncia que lu definen como escritor. La so voz asítiase davezu cerca de lo popular, lo rural (los llabores tradicionales son una imaxe constante na so obra), y alcuando, na xera de fotografiar el tiempu, la tierra y les circunstancies, a les que s’avera aplicando formes próximes al realismu social. Precisamente, la poesía del corverán vieno evolucionando en cuasi diez años de dedicación a esti arte, poro, nos versos qu’equí ta presentando, acolumbramos mui bien d’esi procesu nel que ta enxertu entá. Cola obra de Berto García aporta la tresparencia y la calidá del bon cristal d’una ventana pela qu’observa los sos díes, los nuesos díes, un país al sur del norte, un futuru que nun llega.

Berto García ñaz en Les Vegues (Corvera) en 1975. Ye mayestru d’Educación Infantil y Primaria y espertu en Llingua Asturiana. Anguaño pon clas per escueles de Castiella. Esti ye’l so primer llibru, anque tien yá bien d’obra espardío per delles de les revistes lliteraries del país, como Lletres Asturianes, El Canciu’l Cuélebre, Entellunu y Reciella Malory.

_x000D_

Productos relacionados

Product successfully added to the product comparison!