El llugar del sol

Ignaciu Llope

84-8053-133-9

  • Edición: Primera
  • Páginas: 64
  • Fecha actualización: 17/12/2009
  • Tamaño: 14 x 21 cm
  • Idioma: en llingua asturiana
  •  

    8,50 € impuestos inc.

    Ediciones Trabe

    Premiu «FERNÁN-CORONAS» 1999.

    Más detalles

Con esti llibru qu’algamó’l Premiu «Fernán-Coronas» de poesía na so sesta edición, Ignaciu Llope publica un nuevu conxuntu de poemes siete años depués de qu’apaeciera Xeografía del augua, la so única entrega hasta’l presente. Hai, dende llueu, continuidá ente aquel primer llibru y ésti: el llugar de l’agua, la so xeografía, dexen pasu agora al llugar del sol; tamién equí la lluz ye vida, mientres la nueche, qu’asoma poques veces, connota acabación y muerte. La d’Ignaciu Llope ye una poesía que se construye como una semeya, cásique como una breve secuencia animada: detiénse nella un momentu del día y, con palabres cencielles y precises, va dándonos cuenta d’una mirada, del amor, de la infancia, de la soledá, del abandonu, de la esperanza... de la vida en definitiva. Ye una poesía esencial que se (re)ellabora a través de l’alcordanza, pero na que nun s’atopa rastru de señaldá: más bien ta fecha d’imáxenes cotidianes, de sensaciones conteníes, onde’l paisaxe y el ser humanu siguen siendo, xunto col propiu llinguaxe, los protagonistes de la so esperiencia poética. Ignaciu Llope nació en Cuideiru en 1962. Ye Llicenciáu en Medicina y Doctorando n1Antropoloxía Biolóxica pola Universidá d’Uviéu. Ye miembru del Conceyu d’Estudios Etnográficos Belenos y del conseyu editorial de la revista Asturies, memoria encesa d'un país, amás de pertenecer al conseyu de redacción de la revistaLliteratura, qu’edita l’Academia de la Llingua Asturiana. Tien dos llibros publicaos: De les coses del mundu (ensayu, 1989) y Xeografía del augua (poesía, Trabe, 1992). Acaba de publicar una escelente traducción de los cuentos d'Ánxel Fole A la lluz del candil.

Productos relacionados

Product successfully added to the product comparison!