Don Hamlet y otres pieces de teatru
Álvaro Cunqueiro
978-84-95640468
- Edición: Primera
- Páginas: 192
- Fecha actualización: 19/06/2014
- Tamaño: 12 x 18 cm
- Idioma: traducíes del gallegu al asturianu
6,00 €
Tres pieces teatrales tan breves como maxistrales traducíes pola mano esperta de Pablo Antón Marín Estrada.
Álvaro Cunqueiro ye, de xuru, l'escritor que más influencia exerció na reciente lliteratura asturiana. La so benéfica sombra apruz equí y aende, con una cpacidá de multiplicar el milagru fecunda y inacabable. La obra que da'l titulu al llibru, «Don Hamlet, príncipe de Dinamarca», ye muncho más qu'una paráfrasis erudita y encantadora de la inmortal obra de William Shakespeare. Punxo Cunqueiro tanto nella de la so esperiencia y de la so intuición que siempre la tuvo al llau de les sos obres mayores. Equí –temblando per cada palabra, poniendo tolo que yera en cada expresión– ta lo que nos conmueve y respiga, l'enigma de la Esfinxe resolviéndose creando esi otru misteriu insondable: l'home y la so circunstancia. Les otres dos piecines (llonxe de ser trabayos menores) afonden nel amor femenín y na llocura necesaria que significa dexar de ser na vida cotidiana pa ser, elevadamente, únicu en suaños y ideales. El maestru de Mondoñedo arrástranos una vez más a esi a ríu ocultu que se llama a veces memoria, a veces lluz, siempre vida.
