Subpayaria
Xandru Martino Ruz
978-84-10345-66-9
- Edición: Primera
- Páginas: 80
- Fecha de publicación: 13/08/2025
- Tamaño: 17 x 24 cm
- Idioma: Asturianu
14,00 € impuestos inc.
impuestos inc.
Premiu «Pachín de Melás» de Testos Teatrales 2024.
Comedia d’enriedu que presenta una crítica social al grandonismu asturianu, amás d’a otros grandonismos non menos tóxicos.
Subpayaria ye, según el xuráu que la dio como ganadora del Premiu «Pachín de Melás» de Testos Teatrales 2024, una «comedia d’enriedu que presenta una crítica social al grandonismu asturianu, amás d’a otros grandonismos non menos tóxicos». Áxil y coñona, con un asturianu bien apegáu a la oralidá, esta obra provoca en quien la llee una sonrisa, cuando non una risotada allegre, pero no fondero déxa-y un ciertu amargor al reconocese nel espeyu d’unos personaxes non por estravagantes menos representativos y populares na Asturies d’anguaño.
Xandru Martino Ruz (Ribeseya, 1966) ye escritor y miembru correspondiente de l’Academia de la Llingua Asturiana dende’l 2020. Autor de les noveles históriques Nunn (2020) y Vincitur inimicus (2022), amás de la xuvenil A la gueta l’esbardu (1997). Tien publicaos los volúmenes de rellatos De Ceuta a Sarayevo (1995) y Rema con orpín en nueche de seronda (1999). Ye responsable de delles traducciones del francés al asturianu y de les obres Diccionariu básicu ilustráu asturianu-castellanu (2006) y Refraneru temáticu (2008). Collabora en periódicos como La Nueva España, El Comercio y El Fielato.
Productos relacionados
